D11: 首爾->Heyri藝術村->天空公園->弘大->明洞Duty Free 一早搭地鐵到合井站, 2號出口再轉2200巴士去Heyri藝術村 (車程30mins, ₩2,000) Heyri藝術村有好多特色cafe同藝術館, 多數10-11點才開門, 但巴士車程比網上提到的時間短了, 9點幾就黎到, 唯有周圍走走 點擊圖片放大 +7 成個藝術村所有o既建築就列晒o係度, 雖然地方大, 但如果唔入內, 1hr就行晒, 由於唔飲咖啡, 每間藝術館都要幾十蚊入場費, 又未開門, 所以行左一圈就走 由於比預期中快行完藝術村, 記得之前網上睇過好多人話藍天公園靚, 反正只係o係同合井站相隔幾個車站的世界杯體育場站, 就去行下 世界杯體育場站其實有幾個相連的大公園, 而當中最出名就係藍天公園, 我就邊拍邊慢慢行去 哩度有好多紅葉同黃葉, 可惜天氣太差 好靚的波斯菊 點擊圖片放大 +8 過左條橋, 再上291級樓梯, 就到藍天公園 望返落世界杯公園 點擊圖片放大 上到黎仲要繼續上條斜路, 見倒哩舊石先係藍天公園 藍天公園最出名就係一大片的芒草, 好多人都會日落時間黎哩度, 其實初時睇網上的相, 我對哩度興趣不大, 芒草好多度都有, 加上今日o既天色影咩都唔靚, 不過登上觀景台景色都算唔錯, 如果配上藍天日落, 當會靚好多 點擊圖片放大 +4 行到2點, 先出返弘大食lunch, 本來一早網上搵倒想食哩間的鐵板炒烏冬, 點知又話唔做一個人生意 行多幾步見倒2/F 的廣告板好吸引似的, 就試下哩間 哩間係食辣的芝士年糕鍋, 有3個辣度, 我已經叫唔辣o個隻, 但都係辣辣地的 超豐富呢, 除左有年糕, 魚片, 蛋, 仲有麵同意粉, 正常人應該2個都夠食, 才₩14,000 唔正常的我, 食左大半已經食唔落, 飽到嘔 店員仲好貼心不時替我攪拌個鍋, 怕d年糕, 麵痴底 食到飽才逛下弘大, 好多賣衫的店子, 但賣式都太young, 都唔太合我style, 而且想著之後仲會逛幾條地下街, 所以睇下就算, 行行下仲下大雨, 所以行左唔係好耐就走 之後去左明洞樂天duty free血拼, 果然係超多人, 好多廣東話同普通話人 哩度全部都係幫人買, 重到呢, 所以買完都冇周圍逛, 返旅館算 本來也plan左o係明洞食一間網上介紹的拌飯, 但由於實在太飽, 所以晚餐都冇食
