D9: 大田->井邑->白羊寺>井邑 一早o係大田東部巴士站附近搭返201巴士出西大田火車站, 搭7:54的火車去井邑 (車程2hrs, ₩8,100) 一出井邑站, 右手邊就有個information centre, 可入內叫佢介紹motel, 不過由於我一早print左地圖知道d motel大約咩位, 又冇留意哩座野, 所以就行過左都冇入去 行左2間motel都₩70,000/晚, 轉左入橫街終於搵倒哩間₩40,000/晚, 睇過房ok就扑取了 放低行李後, 就去井邑巴士站買車票去四街里(轉車去白羊寺)(車程20mins, ₩1,500) 因為仲有1hr先有車, 所以就o係附近搵間cafe食個brunch(₩8,800), 好豐富呢 食完去返井邑巴士站搭車, 話咁快就去到四街里 四街里係一個好細o既巴士站, 哩度有巴士去白羊寺 (車程15mins, ₩1,300) 終於黎到白羊寺, 由於黎到已經2點, 所以好多人 (入場費₩3,000) 點擊圖片放大 +4 好多人行, 平衡力又差, 蹲o係度影相時好驚俾佢地撞跌 所以都唔敢行到中間, 只在側邊影對面的寺就算 點擊圖片放大 +3 在對面的去影返過黎 點擊圖片放大 +5 只有葉梢有少少紅 雖然白羊寺都有得行上山, 但見時間唔早, 所以都冇行上去, 只在寺附近行下, 所以好快就行完一圈, 臨走仲o係小食檔買左個雪糕, 但竟然凍到雪糕都出唔倒, 老闆搞左好耐先整倒個雪糕俾我, 好唔好意思咁 之後搭返巴士出四街里, 下班出返井邑o既巴士係2hrs後, 買左車票, 先記起四街里巴士站行5mins就到白羊寺火車站, 可搭火車返井邑火車站, 即刻行去白羊寺站問下下班火車係幾時, 原來幾個字後就有車, 即刻去返四街里退返張車票(只收取票價10%手續費), 再行返去白羊寺買火車票 (₩2,600) 返旅館休息下, 就去之前一早o係網上有人介紹過, o係火車站附近哩間食香菇鍋的, 而食店出面哩個有蓋巴士站, 就係去聽日會去的內藏山的171巴士站 隔離枱好多都叫香菇鍋, 好大鍋, 夠2,3人食, 有好多冬菇, 肥牛...(約₩40,000-50,000)哩d單人鍋得8-10款, 我去到時, 老闆話得返2款揀, 於是就揀左哩款, 有原隻八爪魚, 冬菇, 粉絲, 年糕, 都幾好食 (₩13,000)
