D8: 大田->俗離山->大田 一早起身去東部巴士站, 坐6:50的首班巴士去俗離山 (車程1.5hr, ₩7,900) 沿住哩條路行15mins就到俗離山入口, 馬路2邊都有好多食店 而家睇返個地圖, 先知原來我o個日o既終點都有1,054m高 見倒路邊攤有薯條熱狗就買1個黎食, 唔好食的, 入面條腸係凍的 (₩2,000) 終於來到俗離山入口, 入場費₩4,000 雖然而家只係9點, 但由於今日係星期6, 已經有好多韓國人o係度 點擊圖片放大 +6 開頭都是微上的石屎路, 好易行 auto focus都對唔倒焦, view finder太細, manual focus都out晒foc, 算鬼數 點擊圖片放大 +3 韓國人真係鍾意行山, 男女老幼, 或者自己一個都會黎行, 仲要係full gear, 一到weekend閒閒地都有幾百人 點擊圖片放大 +27 慢行約2.5hrs終於上到黎 d韓國人上到頂, 就圍圈席地而坐, 拎晒一碟碟的配菜同酒邊食邊飲 我都拎我帶左上黎o既飯團同薄荷豬古力飲 休息夠, 就繼續再上 其實都唔知行去邊, 見咁多人行就跟住行 點擊圖片放大 +2 文藏臺上的景觀, 山石有d似黃山呢 點擊圖片放大 +2 來一張全景圖 回望上來的路 之前o係晨靜樹木園已經見過有格仔餅, 但由於唔知佢夾咩料o係入面就冇食到, 下山見倒路邊攤又有, 見原來入面係夾奶油的, 就買一個黎食(₩2,000), 都係香港o既格仔餅夾牛油練奶沙糖好食好多, 食完夜晚仲中伏, 果然我食親有奶油o既野有超過50%機會都會中伏的 搭16:20巴士返大田, 返旅館放低野休息陣, 就去附近搵食, 但實在食厭泡菜餐, 冇野想食, 見倒哩間食炒飯未食過就入黎, 哩個係泡菜炒飯 (₩7,900)
