D3: 珍富->月精寺(五臺山)->珍富->首爾->新村->首爾 一早6:30就出黎車站諗住搭頭班車, 但夠鐘車站都未開門, 等左一陣先有人 (哩張係copy相, 當時天色只係微光) 最左手邊係珍富出東首爾客運站o既班次, 我要去o既月精寺就係右手邊尾2o個個, 而家票價係₩1,750, 車程約20mins 成架巴士得我1個人, 落車前再問司機邊度上返車, 其實我唔知佢聽唔聽得明, 不過佢指一指某個位 點擊圖片放大 +2 哩度似乎唔係遊客會黎o既地方, 所以落車時, 除左我, 只見倒一個韓國人, 後來才見多幾個 但哩度就有唔少外國人黎短期修行, 佢地一隊隊咁行黎行去 點擊圖片放大 +10 難得冇人, 我就訓o係地影 點擊圖片放大 +2 哩間就係月精寺, 不過一來間間寺差唔多, 2來哩度似乎唔係遊客黎o既地方, 所以我就冇入去 好鍾意水彩畫o既風景畫, 每次見倒d畫就會好想畫 其實哩度o既紅葉都唔差, 可惜天陰 點擊圖片放大 +6 話咁快2個鐘唔洗就行完 我一直做功課, d資料都係教我黎月精寺, 我知有得行山, 仲以為可以在月精寺作起點, 原來登山徑係o係好遠, 冇可能行倒去, 問人有冇巴士搭倒去又話冇, 唔通要行山真係要渣車???? o係開頭條橋o個附近有2個巴士班次都係出珍富(但o個個位係泊唔倒車的), 之前諗住睇定, 差唔多時候就出黎等巴士走, 問路人睇邊個, 佢問我去邊, 我話去珍富, 佢似乎問我去珍富邊個車站(但據我所知, 珍富咁細, 只有1個車站), 我就拎我print左o既地圖佢睇, 佢就指某個巴士班次, 我就去巴士司機之前指o既地方等巴士(即係哩個站牌o個度, 但哩度就冇寫出珍富的班次), 但之後我一直等, 2個巴士班次o既時間到左都唔見有巴士黎, 都唔知幾時有巴士, 亦唔知係咪哩個位等巴士(但最似都係哩個位), 後來有個貌似僧人o既人經過, 佢唔知同我講乜, 我就拎紙仔出黎話我要返珍富, 佢就試圖將隔離停車場出黎o既車截停, 應係幫我問有冇車出珍富, 截左幾架都冇, 中途佢又用英文單字同我講野, o個個位又有wifi, 用google translate答佢,我問佢究竟哩度或者珍富有冇車去登山徑, 佢就話哩度冇車, 珍富就唔知, 過左應該超過半個鐘, 終於有巴士, 佢就同我一齊上(我唔知佢係咪都要出珍富), 佢仲幫我俾埋$$$, 我想俾返佢, 佢又唔收並叫我坐低, 仲幫我問司機有冇車去登山徑, 連個司機都話冇 出到珍富, 拎返行李, 就搭返巴士出首爾 (前一晚用英文單字問旅館可唔可以遊完山先check out, 好彩佢都明) 哩度就係一早book左o既首爾hostel, 所有首爾住宿都係住哩度 o係度住o既幾日共見過3個staff, 分別1男1女韓國staff, 英文ok, 仲有一個外藉staff, 所以溝通完全冇問題 我黎check-in時, 有個韓國女staff o係度, 就問佢知唔知附近有冇相機鋪, 諗住買返個鏡頭蓋, 佢話唔知, 但附近有hi-mart(類似百老匯咁), 仲教我點去 哩度有2部電腦, 不過我就冇用過, 因為房都有wifi, 速度算快, 所以我都冇需要o係度用 每朝7-10am都有早餐, 都係方包同咖啡, 有部多士爐同花生醬同士多啤梨醬自己搞掂, 早餐時間都算ok, 雖然有d日子我太早出門食唔倒早餐, 但事後遇過另一港人, 佢話佢間hostel早餐係8點開始 , 基本上都已經出左門, 食唔倒 我就係住哩種8人dorm($105/晚), 哩度係分左男女, 不過o係度住幾晚, 通常都係得4-6個人, 加上大家活動時間好唔同, 所以都唔會爭廁所, 我5,6點起身, 搞掂晒佢地都仲訓緊, 9,10點返到黎, 沖埋涼d人都未返到 房間仲有電視, 雪櫃同洗衣機 不過個洗衣機基本上好難用倒, 佢建議d人9點後唔好洗衫, 講真邊有人咁早返黎?! 我之後有一日行完山返黎10點, o個時冇留意話9點後唔好洗, 條褲坐晒地, 唯有洗, 就黎洗完時, 有個roommate話太夜叫我下次早d洗, 所以我之後都冇再洗過 不過d roommates好古怪, 我見親佢地都係o係度上網同洗衫, 好似冇乜點出去, 成日o係間房度 廁所門係冇得鎖, 同上半牆係磨沙玻璃的, 所以10點後, 我地通常都熄左房燈, 只開廁所燈, 未訓o既人就僅靠o個d燈活動 hostel o係5號線o既峨嵯山站(一出車站行1min就到), 雖然離明洞等地較遠(約30mins車程), 但一來平, 2來一早知哩度d staff識英文, 而且我幾鍾意佢隔離就係學校公園比較靜, 後來更發現原來佢附近就有Daiso(₩1,000店)同好多食店 o係hi-mart唔見有相機蓋, 如漫無目的行都唔知邊度有相機鋪, 一早預左出新村食野, 時間尚早, 就諗住早d出去行下睇下有冇, 行左一陣就俾我見倒間電器鋪, 俾佢睇朋友一早whatsapp俾我的N記相機蓋照片, 問佢有冇得賣, 佢話冇, 問佢附近有冇, 佢話要去到龍山站(後來估佢應該以為我要買返N記), 再問多次, 佢就問我要咩size, 之後就拎左個冇牌子made in korea o既俾我, 才₩5,000, 仲有繩綁住 買完出來, 見倒Etude做半價, 雖然只係旅程第3日, 但之後唔知仲有冇折, 就執左少少野 本想去₩4,500烤肉, 但搵唔倒, 問路人, 我手上o既地圖係日文, 但另有一張食店o既餐牌(唔肯定上面有冇寫食店名), 路人指住某間店話change, 算, 求其o係附近搵左間食烤肉o既入去 未點餐已經黎咁多前菜 叫了一set₩24,000的烤肉, 內有4款不同部位的牛肉 我覺得麻麻地, d肉好刃, 可能我又整得唔夠熟(食完仲肚痾 ), 同埋佢唔似香港d韓燒, 佢冇淹, 要靠蘸佢d醬, 一係辣醬, 一係d冇乜味o既唔知咩醬, 最好味都係下面個蛋 頭先o係Etude掃o既貨 其實對韓牌冇乜研究, 唔知咩牌子好, 唔知咩產品好, 純粹見倒佢半價就買 d mask好抵₩475@, 後來去duty free, 發現要買一大pack好似都要₩800@, bb cream都係₩6,000, 陰影粉才₩3,500, 可惜之後冇再見佢有半價
