近年由外國流行至本港嘅Messy play, 我家三小🍊都非常之喜愛,而且玩得出神入化,稱得上表表者🤦🏻♀️皆因三個最鍾意搞搞震🤣⋯適逢近日本港第三波疫情嚴峻,唔敢帶佢哋出街放電,而我又咁啱需要清潔浴室,咁就比佢哋係浴缸盡情發洩下🎨🤪起初佢哋只係係牆上用唔同既顏色畫畫,印下手掌但係之後洗手換色嘅時候,阿妹發現會有彩色嘅水流,就索性畫埋個浴缸底,最後兩個畫都冇位畫,就開始畫埋自己個身,阿哥仲好好咁樣幫阿妹畫埋個背脊⋯結果我家就出現咗兩個 “阿凡達”👥好彩佢哋都好乖,應該係話好享受扮消防員👩🚒咁幫我清洗現場🚿 順便仲沖埋個涼,話咁快個浴室又回復新嘅一樣🛀,然後可以食晚飯了👍🏻 ⭐️Messy Play 最著重由小朋友主導,等佢哋自由發揮,以刺激感觀發展,如視覺、觸覺等,並提升創造力同培育好奇心。 ⭐️小朋友可以用身體唔同既部位,去感受各種材料,將感官既體驗化為知識,咁學習比係書本黎得深刻。⭐️小朋友用第一身去自由探索身邊既事物,增加佢哋對四周環境既認識。⭐️遊戲中,小朋友用唔同嘅顏料繪畫,可以幫助佢地大小肌肉既發展,同時訓練佢哋既手眼協調,有助之後書寫訓練。⭐️遊戲結束後,家長跟孩子一齊清潔,等佢哋從中學會自律。💦材料: Crayola washable kids’ paint (想更好玩可以用埋牙膏,剃鬚膏,番梘,沐浴露,洗髮護髮液,洗手液等,並提供埋牙刷,海綿等浴室有嘅嘢俾佢哋玩)💦貼士:記得用水洗顏料(炎炎夏天唔怕凍親,光脫脫就更方便)浴缸濕滑,要小心小朋友滑倒(可提供浴室小凳坐住畫更安心)