今年曾到訪冰島10日9夜～今次我就將旅程中所有住宿整理好介紹比大家~ 冰島嘅住宿大部分質素都好高，而且價錢算合理～由於今次係環島遊，所以基本上每日都會換住宿，而且一行6人，出發前的確花左好多時間準備~ 若打算全國環島自駕，大多唔會錯過Reykjavik、Vik、Hofn、Mývatn、Akureyri呢五大區域，呢幾個區係由1號公路連繫住，所以我訂嘅住宿都係圍繞住1號公路較為方便(星星/數字顯示） 以下住宿我係經由booking.com及AirBnB預定，價格可能有差別啊！希望幫到準備出發嘅你地！ 【冰島首都：雷克雅維克Reykjavik】冰島首都，亦係冰島最大城市，到訪遊客必到地方，建議先在此補給所需物資，附近景點包括Geysir間歇泉，Þingvellir National Park辛格韋徳利，Gullfoss古佛斯瀑布～ 1）Rey Apartment 民宿經Booking.com 預訂，當時房價為歐元290，六人價，一房3房～民宿位置方便，距離商店街及Bonus超市近，職員有禮，廚房設備齊全，乾淨企理，缺點係無電梯，需要自行搬行李，另外附近泊車亦唔算方便～ 地址：Grettisgata 2A, 101 Reykjavík, Iceland 查房價 【冰島南部：維克Vik】位於冰島最南端，人口不到600人，環島時必經之地～建議到達維克補合物資，離開維克前往冰河區較難搵到超市(只有油站)附近景點有Seljalandsfoss水濂洞瀑布，Skogafoss彩虹瀑布，Reynisdrangar玄武岩柱，Kirkjufjara Beach黑海灘～ 2)AirBnB in Hvolsvöllur點擊圖片放大 呢間民宿之前已經介紹過比大家，詳情可瀏覽：冰島不能錯過的民宿民宿位於Hvolsvöllur，我地遊覽完Gullfoss自駕經過海德拉補給再到達，第二日我地離開民宿前往下個景點彩虹瀑布，車程都只係十多分鐘～民宿經Air BnB 預訂，當時房價6人約港幣3千幾蚊，三房大廳，廚房設備齊全，全屋乾淨企理，確實無任何一個缺點～唯一係民宿較荒蕪，必須自駕～ 地址：Kotvöllur 13, Hvolsvöllur, South 861, Iceland 查房價 【冰島南部：卡夫塔費德國家公園Skaftafell national park】多數旅客到呢個國家公園都係為左參加冰川健行～附近景點有Glacier Walk冰川健行，Svartifoss 黑色瀑布同Fjaoraragljufar大峽谷 ~ 3)Fosshotel Nupar Fosshotel 係冰島連鎖酒店～由於我地join左冰川健行及健行黑色瀑布，預多左時間響呢一區，所以呢間酒店留左兩晚～呢間酒店唔算好正，WiFi 弱(可能南部網路較差)而且浴室設計差(沖完涼成個廁所會濕曬)～不過南部住宿選擇較少，所以價格亦唔低～兩人一房約100歐元～包早餐～整體合格 地址：Núpar,880 Kirkjubæjarklaustur 查房價 【冰島東南部：赫本Hofn】Hofn 係一個漁鎮，離Jökulsárlón冰河湖最近嘅城鎮，當日我地完成冰川健行同參觀完冰河湖之後就響Hofn作中途站～另外，遠近馳名嘅冰島小龍蝦亦可響Hofn品嚐到，曾被評選為當地第一名餐廳Humarhöfnin絕對係第一首選～ 4) Seljavellir Guesthouse 1號公路旁邊，開車去前往Hofn只係5分鐘左右，地理位置極好，酒店簡約舒適，後面係山，門前一整片落地窗，視野極佳～若果天氣好，睇北極光一流～經Booking.com預訂，雙人房價當時為105歐元～包早餐 地址: Seljavollum 781 Hofn Iceland查房價 【冰島東部：東部峽灣Eastfjords】呢日行程沒有特別景點，主要會沿著1號公路經過東部沿海峽灣，目的地係東部Eastfjords 區內Faskrudsfjordur小鎮作中途休息站～沿途風景優美～附近景點有Djupivogur小鎮及金字塔山Bulandstindur~ 5)Fosshotel Eastfjords點擊圖片放大 +2 呢間亦係Fosshotel 連鎖酒店，位於漁港邊～剛剛翻新，房間寬敞，整潔而且布置好靚，我嘅房間窗戶對住海邊，可以俯瞰峽灣美麗而寧靜嘅景色～另外酒店早餐選擇多～經booking.com預訂，雙人房價94歐元，確係物超～ 地址：Hafnargata 11-14, Faskrudsfjordur 查房價 【冰島北部：米湖Myvatn】冰島最具代表性嘅火山地熱區，周邊景點有Hverir地熱谷、Mývatn溫泉、 Krafla火山同鄰近有全歐洲最大瀑布Dettifoss黛提瀑布，都係遊客爭相前往的景點～ 6）Stong Cottages 小型獨立屋，只有4人及雙人房～我地六個團友一致認為呢個民宿係呢次旅程最差嘅住宿～一黎距離米糊位置遠，距離接待處亦需要以車代步，屋內陳舊，而且廚房用具疑似無人清理，當晚亦試過全屋停電，需要找職員緊急維修～經Booking.com 預訂，兩屋六人價為284歐元，整體一般～ 地址：Stöng, Myvatn, Iceland 查房價 【冰島北部：阿克雷里Akureyri】冰島第二大城市，距離北極圈只有 100 公里左右，港口由於地理緣故，所以終年不會結冰～由米湖前往會經眾神瀑布Godafoss～市內景點Akureyrarkirkja雙塔敎堂為必到景點～另有大型商場，商店街～ 7）AirBnB in Akureyri點擊圖片放大 民宿經AirBnB預訂，一屋三房，價錢係港幣2000～民宿位於住宅區，附近有商店街及餐廳～屋內乾淨企理，空間大，廚房設備亦齊全，有家嘅感覺～屋主十分有善，由於我地架車需要維修，屋主亦答應可以延遲退房時間～值得推介～ 地址：Möðruvallastræti, Akureyri, Northeast, Iceland 查房價 【冰島首都：雷克雅維克Reykjavik】最後一間民宿，返回首都～餘下兩日市內觀光～景點包括有藍湖Blue Lagoon, Skólavörðustígur手信街，哈爾格林姆教堂 Hallgrimskirkja以及要品嚐冰島出名嘅Bæjarins Beztu熱狗～ 8）AirBnB In Reykjavik 點擊圖片放大 民宿為住宅區～一屋三房，環境舒適，廚房設備齊全，缺點係厠所較細及有渠道氣味，同時電視因無線路不能開啓～經AirBnB預訂，一晚兩晚房價港幣$3800～不過個人認為第一間Rey Apartment 位置較為方便～大家可作比較～ 地址：Kirkjuteigur, Reykjavík Iceland查房價
