今年4月一行6人去左一轉冰島旅行～返左香港咁耐，其實都對冰島念念不忘～因為都有好多奇遇，其中最想分享嘅係其中一晚嘅民宿，極力推薦比準備出發嘅你地~ 民宿我係經AirBnB預約，4月頭入住，一晚連曬清潔費只係HKD3045，6個人除開5佰一個人，點解會極力推薦～大家先望一望啲相就會明白，因為真係好大好靚好新好舒服～ 點擊圖片放大 +2 一屋三房，適合6人使用～全屋落地玻璃設計～由於民宿旁一大片地方都係無任何建築物，所以個雪境係一望無際～對於生活響城市嘅我地，住響呢真心覺得好靚～心情亦特別放鬆～ 點擊圖片放大 +2 大廳旁係廚房～大部分所需嘅用品都有齊～其實屋主Poula都預期每位租客都會自己煮晚餐～由於呢間民宿附近真係無任何建築物～最近嘅超市差不多5-10分鐘車程，而且好早收～所以入住前Poula都有特別提醒我地先到超市準備定晩餐早餐嘅材料再check In～ 呢間民宿仲有一個賣點～就係有一個露天Hot Tub~其實響冰島每戶都有，但係呢個民宿特別之處就係四野無人，而且眼前一片雪境，確實可以好捨意～ 資料圖 雖然之前提過民宿附近無其他建築物～不過其實唔難搵，民宿位於海徳拉，沿住1號公路行，到左Hvolsvollur行5分鐘車程就會到～ 真心推介, 資料可以從AirBnB 搵到 https://abnb.me/EVmg/PWbSKpI6GH 其他民宿資訊： 冰島民宿總覧
