東京長野篇係小豆兒第五個旅行，加上已經兩歲三個月，大個仔左，旅行前媽媽媽我已經無咩擔心，可以輕鬆出發！ 今年豆哥九月正式開始佢嘅學習生涯，因擔心佢需要慢慢適應，故遲遲未計劃幾時出發！ 豆哥無令爸媽失望～原來佢好叻仔，開學無咩喊，好快適應新生活（其實係爸媽太緊要啫)所以即時上網搵機票~ 機票最後選擇左HK Express,因為價錢實在係平，一家三口連稅行李不過3千，真心動～雖然評價好一般，但好彩嘅係我地坐過咁多次都無咩問題~ 終於10月頭出發，yeah！ 1)行程大綱～ <上高地>位於長野縣～今趟旅行我最最最希望到嘅地方，因為網上有好多相都影得呢個地方好靚，加上日本秋季將至，非常適合健行～點擊圖片放大 <軽井沢>因爲去上高地會經過軽井沢，所以順道去玩，加上軽井沢有過兒童皇國，可以帶豆哥玩玩~其他景點包括：雲場池，白系瀑布，兒童皇國，Prince Shopping Outlets 雲場池 白系瀑布 軽井沢兒童皇國點擊圖片放大 +2 <松本>去上高地中途站，方便第二日可以早出發去上高地～其實無去咩景點~最出名松本城不過無時間去～ <長野>其實原先安排去善光寺，不過最後唔夠時間去，變左中途站～ <東京>今次東京只去台場，上野，池袋 台場 上野 <近郊>東京遠少少都左入間outlet，大宮博物館，同橫濱～ 大宮博物館 點擊圖片放大 +3 入間三井outlet 2)交通 方案一>JR East Pass ( Nagano, Niigata Area) http://www.jreast.co.jp/tc/eastpass_n/index.html 先介紹一下呢個Pass, 17000yen 5日任坐JR , 可以去埋長野同新瀉～另外包埋成田機場出市區嘅NEX, 個人認為非常抵用，因為來回NEX已經要大約5000yen，而且方便，一咭通行，不過在於帶著小豆兒，唔想拎住行李走圍走，所以放棄左用呢個Pass~ 方案二>自駕遊 的確係最彈性，最舒適，最開心嘅選擇～而且唔駛改變豆哥嘅午睡習慣~ 六日行程我地只有響三到五日租車，其他時間響東京都內，為免塞車，搵停車場等問題，決定坐地四通八達嘅鉄路~ *最後行程* Day1: 香港>成田機場>上野（宿BnB) Day2:上野>台場>橫濱（宿BnB) Day3:上野>軽井沢雲場池>白系瀑布>軽井沢兒童皇國>Prince Shopping Outlet>松本（宿松本 Premier Hotel Canin Matsumoto) Day4:松本>上高地大正池健行到河童橋>長野（宿長野Hotel Metropolitan Nagano) Day5:長野>入間三井outlet>大宮鉄道博物館>東京（宿東京Dormy Inn Premium) Day6: 池袋>成田>香港 其實行程有少少趕，此終長野距離東京都幾遠，日數可以再多就更好~
