< Claccy Review - Evie Perfect 10 Make Up Remover > 1. 呢枝 Evie 嘅卸妝油喺我 2014年 blogpost 度已經介紹過，亦一直沿用到而家，可見我有幾鍾意佢！事隔 2-3年，佢經已轉咗包裝，但仍無損佢嘅品質，依然係我嘅大愛 2. 我同好多人一樣，一開始選擇落妝產品嘅時候，對落妝油都有所保留，覺得佢肥淋淋，感覺好唔舒服 3. 轉用落妝油之前，我都試過其他嘅卸妝產品，例如卸妝水，卸妝棉等等，但係都覺得落得唔乾淨. 如果嗰日化咗眼妝，有用過 waterproof 嘅mascara, 眼線等，又要用眼唇卸妝液先卸眼妝，既麻煩，又費時 4. 於是我就的起心肝去試試落妝油！老實說，一開始用嘅時候感覺認真麻麻，真係會有d油淋淋嘅感覺. 但用多幾次之後，我就發現 < 我！以！後！落！妝！只！用！卸！妝！油！> 無他嘅... 因為一 take 過落哂成個妝真係好方便！而且以油溶油嘅卸妝方法，可以深入毛孔，絕對係最乾淨，最徹底嘅！ 5. 直至後來我遇上 Evie 嘅卸妝油，就更加係一試愛上! 我鍾意佢嘅原因主要係因為佢落得好乾淨，用後感覺清爽，唔乾! 6. 首先呢枝卸妝油符合我嘅第一個要求，就係佢唔可以啦眼，否則即band！Evie合格！ 7. 相對我試過其他牌子嘅卸妝油，我覺得 Evie 嘅卸妝油係比較輕身，薄身，上面油淋淋嘅感覺相對較低 8. 而且呢款卸妝油容易乳化，基本上乾手乾面用一至兩泵，喺面上按摩一分鐘，再加水濕手按摩多一分鐘，整個妝就輕鬆地落乾淨 9. 另外之前用過其他牌子可能因為雜質較多，令我有輕微生粒粒嘅情況，而 Evie 嘅卸妝油用上可可巴油，甜杏仁油，葡萄杍油等天然植物底油，再加上保加利亞玫瑰同有機薰衣草等等嘅天然精油嚟調製，所以 so far 我用咗咁耐都無生粒粒 10. 加上配合佢天然精油嘅香味，喺潔面嘅時候同時按摩，感覺好relax，好舒服. 誠意推介！ . . . 產品介紹 Product Mentioned :- • Evie Perfect 10 Make Up Remover • 190ml / HKD$458 • 自購產品 我的膚質 My Skin Profile :- • 皮膚較薄 Sensitive Skin • 混合乾性皮膚 Combo Dry Skin http://www.eviebeaute.com/product/perfect-10makeup-remover-190ml/ More Reviews : www.facebook.com/theclaccy
