熱愛玩沙嘅Baby C今日決定遠征馬灣，Mummy C帶住Baby C去中環坐船，原來30分鐘就到，快過去好多其他離島。去到餐廳 Cafe Roma，首先黎個整PIZZA初體驗，Baby C除左搓皮要幫手，其他都可以自己做，以2歲小朋友算好棒棒喲！ 整完PIZZA，Baby C就急不及待要開餐。佢哋有2個兒童餐揀，貪靚嘅小朋友揀左藍色的意粉餐，一上抬勁興奮，攞起餐具就係咁食。Mummy C試過都覺得味道都好唔錯，有沙律同水果，感覺營養好均衡。分量多到連大食嘅Baby C都食唔晒。 Mummy C終於可以享受午餐啦！脆炸魷魚圈 $88 正常水準啦~~無肉不歡薄餅 $148 Mummy C朋友話一定要試PIZZA，脆薄style最啱細食嘅媽媽們，可以有空間試其他菜式。Mummy C一試愛上，忍唔住食多幾塊墨魚汁扁意粉配北海道帶子 $188 Mummy C最愛嘅配搭，帶子夠大又鮮甜，但墨魚汁扁意粉冇咩墨魚味，整體都算好食~~緊接午餐就係今日重頭戲 - 玩沙！餐廳門口已經係沙灘，有排樹令沙灘感覺私人化，唔怕小朋友走失，餐廳仲提供好多唔同種類嘅沙灘玩具，令家長可以安心繼續慢享意菜，傾下計。 【 Cafe Roma | 馬灣】地址：香港珀麗灣沙灘商場地下 7-8 號舖 (馬灣東灣泳灘右側) 營業時間：逢星期二至五: 上午 11 時半至晚上 10 時逢星期六、日及公眾假期: 上午 11 時至晚上 10 時 電話：(852) 3446 1226 WhatsApp：(852) 5343 2505 電郵：reservations@caferoma.com.hk 網址：www.caferoma.com.hk
