Follow @thebigeatsister, 帶你四周圍食好西😋😋 之前連假唔知大家有冇出去玩🗿? 大食妹同朋友就去咗赤柱一日遊🏖打卡呢間人氣嘅帝樂-德國餐廳🇩🇪帝樂假期嘅時候, 兩點半前會做brunch session, 想食午餐嘅朋友可能要晏少少食😅🌟大食妹點評🌟✼••┈┈┈┈┈┈••✼••┈┈┈┈┈┈┈••✼【味道】點擊圖片放大 ☞❶ #法式油鴨髀 配鳳梨、薯仔餅、蘋果醬帝樂嘅德國鹹豬手聽講幾受香港人歡迎, 但我哋得兩個人, 想食更多嘅款式, 於是就嗌咗呢份法式油鴨髀配鳳梨、薯仔餅、蘋果醬🦆法式油鴨髀外皮好脆, 鴨髀肉自帶油脂, 入口係滿滿嘅鴨油香😍鳳梨稍為煎過, 灑上少少鹽同黑胡椒, 清甜得黎, 更有味道層次🍍薯仔餅就係將薯仔削成絲, 餅壓做餅, 天然好味道🥔❤︎ ☞➁ #精選香腸盤另外再嗌多份食德國嘢必食嘅精選香腸盤🌭精選香腸盤包括經典嘅紐倫堡田螺型粗粒豬肉腸、維也納幼滑豬肉腸同脆炸薯仔😌紐倫堡田螺型粗粒豬肉腸少少煎過, 帶有香草嘅香味🍃皮脆有咬口😁維也納幼滑豬肉腸相對比較粗身, 味道亦唔差😙❤︎ ☞❸ #炸香脆蝦醬魷魚圈 配蒜蓉醬根據大食妹精密嘅計算, 兩個人食仲有少少quota可以食份細分啲嘅小食😝炸香脆蝦醬魷魚圈份量就啱啱好🦑Deep Fry嘅蝦醬魷魚圈外皮硬脆, 唯一可惜嘅係魷魚圈唔係好彈牙, 但配搭蒜蓉醬都係一個唔錯嘅小食👌❤︎ ☞➃ #匈牙利牛肉濃湯大食妹好鍾意飲濃湯, 特別鍾意蕃茄湯底🍅匈牙利牛肉濃湯口感濃稠, 裏面有少少牛肉同雜菜, 青椒味道比較重🫑可惜大食妹係小朋友口味, 唔鍾意青椒🙈❤︎ ☞❺ #SangriaSangria唔係德國嘢飲, 但大食妹見到有少少口痕, 諗起當年喺西班牙、葡萄牙旅行嘅快樂時光✈️就去回味一下🙂Sangria嘅主要成份係紅酒, 然後再加入蘋果、橙等等清爽嘅生果, 非常有夏日氣氛🍎🍊可惜帝樂嘅紅酒味道比較濃厚, 同當初大食妹喺西班牙飲到嘅light版有少少出入😅❤︎ ☞➅KingLudwigPunch朋友就嗌咗King Ludwig Punch👑King Ludwig Punch係杯mocktail, 主要成份係七喜同士多啤梨、藍莓等等嘅生果🍓🍇味道偏甜, 走少女風👧✼••┈┈┈┈┈┈••✼••┈┈┈┈┈┈┈••✼【環境】點擊圖片放大 ☞ 位於美利樓嘅帝樂有室內同室外嘅座位, 室外有開闊嘅景但有啲熱🔥✼••┈┈┈┈┈┈••✼••┈┈┈┈┈┈┈••✼【服務】☞ 帝樂上菜速度好快, 唔洗驚餓親🤗✼••┈┈┈┈┈┈••✼••┈┈┈┈┈┈┈••✼【性價比】☞ 帝樂嘅價錢偏貴, 但考慮到美利樓其他餐廳呢價錢, 都可以話係合理🤭✼••┈┈┈┈┈┈••✼••┈┈┈┈┈┈┈••✼【大食妹評分時間】⚀味道: 🌕🌕🌕🌕🌑⚁環境: 🌕🌕🌕🌗🌑⚂服務: 🌕🌕🌕🌗🌑⚃性價比: 🌕🌕🌕🌗🌑⚄推薦菜式: 法式油鴨髀配鳳梨、薯仔餅、蘋果醬✼••┈┈┈┈┈┈••✼••┈┈┈┈┈┈┈••✼🌟資訊欄🌟🍳餐廳: 帝樂 - 德國餐廳📍地址: 赤柱美利樓2樓202號舖⏰營業時間: 星期一至五 12:00-00:00 ; 星期六 11:00-00:00 ; 星期日 10:30-00:00📞電話: 2899 0122
