又係我呀！廢話唔好多講，直接入主題啦！有睇開我post都知道我係「被迫」成為美容精既，無計，唔係我想花咁多錢同時間去研究美容野，係天生暗瘡肌我都無計......不過大家都知道，暗瘡肌最重要就係「養」！因為好可能中年前都係會繼續生瘡，不求完全無瘡，但生得少瘡、少印就係勝利......而且搞美容咁多年，其實都已經變左我既興趣！今日就黎講下HOLY DAILY。其實呢間野我本身就無聽過，不過有個friend就係超級fans，買左佢地好多產品又做左幾次療程咁......所以我都知左。其實HOLY DAILY主打就係搞暗瘡，成日都會提「油洗」。開頭我以為「油洗」係HOLY DAILY佢地某套熱銷油性洗面奶product既簡稱，結果唔係，係真係講緊「油洗法」。唔知HOLY DAILY油洗係咩既人，我講兩句：好簡單，網上一直流傳一個「深層清潔方法」，就係敷油然後洗面，話好適合暗瘡肌、黑頭粉刺多既人，只要堅持差唔多一個月就會「清除肌膚深層毒素」。HOLY DAILY推薦呢個油洗法真係曾經紅過。呢個方法有段時間真係好hit，個陣時仲叫咩「以油養膚」、「以油溶油」同「精華油美容法」etc.。如果你都係暗瘡肌，你肯定都有聽過！但唔知你有無好似我咁蠢試過「油溶法」「油洗法」......差啲搞到毛囊炎要睇醫生。個時我係用號稱最適合油性肌膚用既荷荷芭油，乾面搽油之後不停按摩大概一至兩分鐘，邊睇電視邊按摩，的確係搓到小小死皮出黎既.....之後就係熱毛巾敷面、用毛巾抹走油然後再用洗臉奶洗多次面......第一次，無事，ＯＫ，皮膚仲好似柔軟左，因為油加毛巾擦走左角質。到第二次做，做完都係無事，到第二期起來朝早洗面一摸，大鑊！全塊面都係粒突不平既毛孔堵塞，太多油跑左入去，好似每個毛孔都突起左！人地睇唔到，但我一摸就摸到成片閉口粉刺......就係呢個而家HOLY DAILY極力推薦既「油洗法」，我做第二次就轟轟烈烈咁夭折咗！雖然都有幾粒變左暗瘡......好彩之後我都控制到，每日堅持用最簡單最簡單既洗面同skin care，所有閉口先無爆曬出做暗瘡！之後閉口粉刺好慢好慢咁消失咗......其實如果閉口粉刺無消失，我真係嚴重爛面、毛囊炎，就要去睇皮膚科醫生，淨係諗都好驚！我塊面等同歷左一劫，用左好長時間先等到所有閉口比新陳代謝慢慢褪走曬，從此之後我唔敢掂任何精華油、咩油敷咩盛盛.....呢個HOLY DAILY極力推薦既油洗法一睇又係個味野。分別就係敷油既時候唔洗按摩，敷一分鐘之後就可以洗走植物油.....咁可能會令油無咁易跑入毛孔，但最大鑊就係之後要用海綿同手工皂去擦面洗面......以下截錄自HOLY DAILY官網：【絲綢海綿】當油脂污垢浮上表面後，必須充分地帶走油脂污垢和清理角質，我們的絲海綿能夠溫和去角質並且帶走油份，皮膚較敏感的朋友可以只在T-zone和下巴輕抹。【手工皂】我們的手工皂是美國人手製造，不含任何有害物質和添加劑！我們主要推介燕麥羊奶蜂蜜皂去洗走油脂污垢和重新疏通毛孔。而皮膚較為敏感的朋友可以選擇洋甘菊手工皂。我睇到都覺得心梗要發作！作為油敏+暗瘡肌人，敷油已經好大風險，最後仲要驚塊臉唔死得，用海綿黎抹臉，再加埋手工皂......真係全封殺套餐。用海綿抹面淨係諗都覺得肯定會過分清潔，「權骨」已經有超痛既幻覺，再加埋過鹼既番梘洗面......如果你唔係勁勁勁油肌，超級中東大油田都唔好隨便試！你地知唔知皮膚科醫生每個月都有一兩單因為因手工皂洗臉而面過敏既病人......我之前都試過買手工皂，咩茶樹油咩薰衣草咩紫草，去油消炎紓緩對暗瘡肌好好，結果我洗一次面就面痕一次，因為塊面太乾太乾，洗走咗太多面油......我唔知你地點，總之手工皂對我黎講真係太鹼！所以呢個 HOLY DAILY 植物油洗法 + 海綿擦面 + 手工皂洗面，我真係接受不能......對我黎講簡直係毀面無敵組合，但以上只係純粹我個人觀點，不喜勿插。但雖然係咁，我唔buy HOLY DAILY 個油洗法同手工皂，但我friend話HOLY DAILY都有開美容院去做面部療程，尤其係暗瘡肌有好多選擇，而且 HOLY DAILY 個「肌底暗瘡消炎療程」對佢黎講幾work，佢好鐘意......我聽落去都唔錯而且唔係好貴，而 HOLY DAILY staff又好nice咁，遲少少都打算去試，如果有任何絲打試過HOLY DAILY個肌底暗瘡消炎療程而又OK，可以DM我同我講呀！Thx！跟住就係推薦返暗瘡肌好用既療程，絕對唔係一捧一踩！因為我之後推薦既唔係product，而係暗瘡肌療程！New Beauty暗瘡分手療程（預約試做免費體驗）點解會去New Beauty？知道New Beauty係Perfect Medical旗下品牌所以有好感，之前試過Perfect Medical既療程，覺得治療師好專業好細心！暗瘡分手療程療程點玩架？利用高科技的醫學研究理論，以雙向螺旋吸啜引流技術，一管道為皮膚進行深層清潔殺菌，溫和無痛地帶走皮膚表面30 - 35mm的油脂、污垢及老廢角質，提升對精華營養的吸收能力。另一管道則導入醫學研發精華至肌膚底層，極速啟動膠原蛋白活化再生，並自我修復受損組織，皮膚回復柔滑細緻，達到平衡油脂分泌、疏通毛孔、溶解黑頭、消除暗瘡等的理想功效吧啦吧啦（係，我唔想打字所以抄佢地官網資料LOL）New Beauty做暗瘡分手療程前有無皮膚分析？有。所以循例，做療程之前去左做皮膚測試先。咁佢地個顧問都有好好控制住自己LOL，無一上黎就Hardsell我，又或者upsell我，都幾正常咁同我討論我既皮膚狀態，仲有讚我以天生油脂腺旺盛既暗瘡肌黎講，算係keep得幾好喎（因為我都有努力早睡早起Keep住皮膚質素），但都有話我黑頭粉刺都幾犀利下，咁暗瘡分手療程就幫到我啦！New Beauty顧問都有提少少我嘅暗瘡印問題，話做暗瘡分手療程可以控制唔好再生瘡，而做皮秒激光就可以好快去暗瘡印同提亮、均勻返膚色......不過我就截住左佢，話逐樣逐樣黎，baby steps，我今日就係想試左New Beauty個暗瘡分手療程先！暗瘡分手療程個過程係點？其實都幾快完成，效果好好而且唔痛。攤上床之後，治療師就會好溫柔又好仔細咁幫我潔面，仲會開燈睇下我邊度有比較嚴重既暗瘡或者黑頭粉刺，比我感覺唔係hea做。然後就正式開始暗瘡分手療程療程，會用機頭吸呀吸、吸呀吸全塊面，過程中會一直向面部搽某種精華，所以係濕吸而唔係乾吸，唔會痛既，但係啜黑頭粉刺都幾有feel。我右下巴有粒半熟不熟既大瘡，治療師問我清唔清，佢話覺得比精華軟化左死皮、催熟左可以試下清，我話「好，試下啦」，之後就感覺微微痛，粒大瘡既膿頭就咁就吮走左......乾淨快捷又俐落！好！感覺皮膚可以重新呼吸咁！暗瘡分手療程好唔好？有呢篇野出現就代表我覺得New Beauty暗瘡分手療程效果真心唔錯！如果唔係我都費事寫咁多字！最好既部分其實係幫我慳時間同唔痛咁深層清潔。係，暗瘡分手療程既技術無咩秘密可言，就係Aqua peel，唔係針清。（當然如果有啲吸極吸唔出既超級無敵深層大黑頭，治療師姐姐都會好好人幫你試下針清）但已經好過我自己坐係塊鏡前面針清成粒鐘，又痛又攰，而且次次個鼻都會傷到毛孔出血，然後之後兩、三日成個鼻都紅曬，好似鼻敏感咁，紅左一灘勁樣衰......暗瘡分手療程只要瞓係度一陣就清曬全面黑頭粉刺，兼消炎同深層補濕，夫復何求啊？New Beauty暗瘡分手療程唔痛又快、方便有效，已經夠啦。其實暗瘡肌最緊要都係深層清楚同即時消炎！後續：有買一個New Beauty暗瘡分手療程Plan。我一次過買左八次暗瘡分手療程，買得多，New Beauty仲送左其他小療程比我，咩等離子咩超聲波盛盛盛補濕，我都無記得好清楚。我一直同暗瘡肌朋友同網友強調，暗瘡肌最緊要係「養」！唔可以鬆懈！要一直收縮油脂腺（唔理你用咩方法，用護膚品又好、去打激光或彩光都好）同埋消炎補濕，定時定候深層清潔！所以暗瘡肌如果懶得針清／唔識針清／深層清潔做得唔夠好，就應該要有一個深層清潔Plan，一個月至少做一次，仲要有個去暗瘡印同刺激膠原蛋白增生既Plan，皮秒激光／激光／彩光／水光針etc.你自己揀！如果之後我再搵到一啲好正既暗瘡肌療程或Product，會繼續分享比大家！恐怖既熱死人夏天又黎啦！各位暗瘡友們，如果唔想變花面貓就一定要備戰呀！！ 免費體驗：New Beauty 暗瘡分手療程
