今日去上環食超好味西餐-Oldish！入到餐廳已經比佢懷舊裝修吸引，引唔住影好多相！餐廳感覺好乾淨舒服，餐廳音樂播懷舊英文歌，彷彿時光倒流 💕我嗌咗 Oldish Four Cheese Beef Burger , Whole Grilled Spring Chicken ，小食 Avocado Tomato Toast加 一杯Americano! 🤪點擊圖片放大 +4 Oldish Four Cheese Burger 🍔 每一樣嘢食都好吸引同埋分量十足，最鍾意當然係Four Cheese Burger! 一嚟到見到佢特別，中間有一把刀，漢堡包夾住超巨型芝士片！食物嘅擺法顯得廚師有心思！第一次見到大大塊芝士脆片，好味到令我停唔到口，而且側邊有沙律同埋薯條伴碟，營養均衡又飽肚！Whole Grilled Spring Chicken 🍗 雞肉肉質滑嘟嘟，夠晒入味！而且真係好大隻，幾個人分都差唔多食唔晒，表皮少少香脆，食得出餐廳有心思！ 側邊亦有沙律菜同埋薯條，一啖雞肉一啖菜，Ichiban! 😋Avocado Tomato Toast 🥑 真係好鍾意呢個多士，好耐冇食過咁多牛油果！小食係主食之前上嘅，望住綠色新鮮嘅牛油果就覺得特別開胃，忍唔住越食越多，又係另外一道停唔到口嘅美食！Americano ☕️ 味道濃郁好飲！望住店內裝飾飲另有一番滋味！總結一下，一定會再嚟！食物高質，價錢不貴，環境整潔舒適，令人懷念從前係英國讀書嘅時光！👍🥳
