沾麵係乜東東？第一次朋友同我講佢喺天后食過沾麵，但就唔太識欣賞。由於呢位朋友識飲識食，口味比我更挑剔，於是就放棄嘗試嘅念頭。某日，喺元朗工作嘅男友忽然同我講「我經過有間舖頭呢，好多人排隊啊！食沾麵㗎，不如搵日一齊試下！」 於是早在一星期前，我地冒住細雨一齊嚟到元朗一處偏僻嘅角落。到達嘅時候係1815，當時已經排長龍。 等到1900店員搬左一個牌出嚟，今日嘅沾麵已經賣完！嘩6點開門，一個小時賣哂？！ 排咗一個小時，終於入到店內！就咁睇以為自己去咗日本小店，店內嘅裝潢、音樂都洋溢着日本風情。(由於店家不允許拍照，所以沒有圖片，各位食家也請自重啊！) 店內可供選擇嘅沾麵只有幾種，包括小麵麥、紅椒麵、黑胡椒麵; 湯底就有黑油(即蒜味)、蝦味同豬骨。 我就揀咗小麥麵 x 蝦湯（$83）加荀（＄10） 先講個湯底先，蝦味真係十級濃，好似食梗無數隻蝦同豬骨湯混合，十分香濃！點解要加荀，因為本身鐘意食，而且排隊嘅一小時不停有勁香嘅荀味傳出！ 入口爽脆清甜，荀有荀味！ ps彩字好靚! 小麥麵就即是原味，口感非常煙韌！正！ 熱湯加上冷麵，非常方便進食。不過麵痴埋一齊，唔容易來起。 超正流心蛋，滷得好入味！ 叉燒好冧好鬆化！根本就係日本食拉麵！ 靜岡縣限定綠茶汽水($18) 呢個汽水好少見！原來喺來自日本靜岡県！ 味道方面，有清淡嘅綠茶味，有啲似清淡版嘅忌廉，值得大家試下！ 除咗綠茶可樂，仲有赤富士提子梳打啦、信州蘋果梳打、山梨桃梳打，全部都係來自日本，唔係到到都有嫁！ 彩aya 地址：元朗建德街26號益利大廈地下14號舖 時間：星期一至日: 11:30-15:00; 18:00-21:00（逢星期二休息） ---------------------------------------- 彩 vblog： https://youtu.be/rZiYtSgGVNs Facebook page： https://facebook.com/Hkgyummyyummy Thanks for like and share!
