大部分年輕人創業係為左打拼自己嘅將來，但用事業關懷社區又有幾個？每一日我都反思自己對香港社會有咩貢獻，在FB share政治是否就是「愛香港」？但原來一直有人創業係為咗，關懷社區，老實講，我有點感動了。 今日嚟到位於大埔工業中心嘅Manna Cafe。 一行入內感覺非常舒服。餐廳內滿佈綠色植物、書藉，燈光柔和而且店水餐桌都經過特別設計。 印有詩句嘅櫈 同東主傾過，原來佢本人係一位基督徒。餐廳歡迎不同人士聚會，早前就有長者一齊搞Party，而店方只收30元一位就包飲包食。星期日一個賺錢嘅好時機，餐廳唔開門除咗要番教會，原來係想為印庸提供一個有蓋嘅地方敘會，咁佢地就唔會日曬雨淋。 環境好大，而且HEA幾耐都冇人趕你走！我鐘意呢種慢活態度。 而店員呢，就唔介意僱用更新人士，了解過後我發現餐廳不但止舒服，而且充滿愛。 食物方面更是良心之作，太足料太驚喜了！ 芝士頂級安格斯牛肉漢堡($78)伴飲品 呢個係用咗7安士嘅安格斯牛肉，而且係一份份人手打。入口果然重牛味，而且非常鬆軟，調味岩岩好！ 牛肉仲厚過一蚊銀啊！ 烤雞扒吐司($68)伴飲品 聽過介紹，吐司製作唔簡單。先將方包搽滿蜜糖牛油，烘成多士，再煎香雞扒同雞蛋。最後蛋上加入芝士，再將整份多士放入焗爐再焗，一份香甜，超厚嘅親子多士就完成！ 雞扒、雞蛋比例係1比1，太讚了吧！ 水、餐具、調味都係自助形式 食物大部分連餐飲！抵食！ 附上偽文青照片一張：-) 嗎哪 Manna 地址：大埔汀角路55號太平工業中心2座10樓A號舖 營業時間：星期一至六: 08:00-22:00；星期日: 休息 電話：5239 6872 ------------------------------------------------- 後記.... 嗎哪(Manna)的意思是古以色列人經過荒野所得的天賜食物，精神食糧,、天賜、甘露。 ------------------------------------------------- Facebook page： https://facebook.com/Hkgyummyyummy
