2015年3月22日22歲生日，當然要搵間份量唔惹小既餐廳挑戰！ 自從上次油麻地巧手廚房一役就唔敢亂咁搵食。是關油麻地呢間既刀功尚有進步空間，唔多講睇圖: 紅立魚$688一條，粗略估計一斤左右!(其實好貴，上次我食條黑先係一斤$288) 嘴角出血，感覺不太好喎老細！（都係果句，上次條$288黑立無血嫁喎） 個頭插住支竹籖既，活魚刺身點解變死魚（最後一句，上次$288條黑立上枱仲識郁） 條魚都ok但就缺少左鮮味，另一個失敗原因係刀功問題，每一啖都係根，塊塊都咬唔斷。 另外，係醬汁問題，佢比既係日式鼓油，蘸黎食就只有咸味。唔得唔得，真係唔得。 拎去椒鹽，炸漿好啲似日式天婦羅，算係唔錯啦 另外叫左澳洲和牛刺身$168-198，呢個應該用機切，切到好薄，如圖所示非常豐富既油脂，令人為之瘋狂。 入口即化，重牛味而且唔酥。口感似食僅超薄雪糕！ 可惜醬汁再次破壞牛味，洋蔥酸汁完全蓋過牛既鮮味，我唔係黎食酸汁架！ 呢間係睇雜誌知道既，所以都係決定番深水埗間飯堂。 真心唔太滿意埋單$967 ，食2樣野但質素竟然係咁？切魚師傅要比心機！廢話小講，未來一星期會出埋第七站—集平靚正於一店既金潮溶活魚刺身生日飯
