Facial date: 12/03/2015 Written at: 20/03/2015 呢個blog原本用黎寫食評，但可能我太懶番工又忙所以一排都無打。今次出post唔係食評，而係近來有新體驗。 - 其實打之前都諗左好耐，唔希望讀者會將我呢個blog當成facebook上面，妹妹仔收人錢就出post亂讚一輪再叫人去做facial 既廣告。坦白呢啲廣告太討厭啦，20就要keep，20歲開始老.... - 姐姐20歲先係最索最靚喎.... 好，言歸正傳。點解會忽然去做facial，因為用護膚品開始唔吸收，所以就想做facial改善膚質。第一間係沙田連城New Beauty，詳細唔多講，重點有二： 一，比人困在房Hard sell(刷左$8000最後拎得番) 二，話我臉上有疣。由於佢逼我簽兩萬蚊療程所以我打死都唔濟，結果係大圍搵倒一間有少許隱閉既美容院，希望可以解決埋面上既疣。 - 好記得果啲大型連鎖店美容院話：「細間美容院無用嫁」「淨係舒服唔會改善皮膚」「會困住你係房，hard sell你」最後佢地講既野全部發生係佢地身上。 - 講番係位於大圍既呢間Day's Beauty先，上到去燈光好柔和，由於有預先book時間，所以老闆娘已經留左間房比我。第一次上去，老闆娘仲好nice問我有無做過facial、教我著果件做facial著既衫。上去之前有啲脅，但上到真心唔驚。 - 首先老闆娘幫我睇下皮膚，深層勁污漕、皮膚暗啞、鼻位同下巴都有粉刺。之後就入去洗面、老闆娘非常純熟咁幫我清左暗瘡，過程有小許痛，但非常快就搞掂。而我臉上既「疣」呢，其實係油脂粒。(new beauty為左呃錢可以去到幾盡) 很早之前影，下巴超多瘡 連傳說中既「疣」都搞掂就開波，我做既係果酸喚膚療程。做既時候感覺到吉吉地，但無諗過唔洗用機感覺都咁大。然後有搽野、敷野。因為相隔有啲耐，加上我係純分享，真係唔會仔細記成個step同影相 。敷mask既過程，送埋按肩頸，當然唔會按完鬆哂呀、肩頭唔痛，但感覺放鬆舒服。 做之前(第一次去Day's Beauty做之前眼下起粒，嚇到立即自拍，搵人求救) 做既時間先知原來自己皮薄，加上皮膚十分乾，所以眼下先會有濕疹而且好痕，之前都有抓先愈來愈大粒而且紅紅地 做之後(晚上沖完涼自拍，下巴因為針清而有紅點，眼下濕疹都細左) 半邊臉 感覺好乾淨，最開心係鼻兩邊同下巴即暗粒可以消滅。當然革命尚未成功，只係消除左小許唔乾淨既野。下次去老闆娘話會做保濕！ 另外走之前老闆仲送左Babor sample同一日兩次既止癢膏 非常期待下一次FACIAL!!!!
