早幾日天氣勁凍，收工就同男友去食蛇。其實大家都未食過蛇(大鄉里:P)又知道大埔有間食蛇幾出名，係公園仔果到，叫做蛇王海。 地址:大埔大榮里41號美發大廈地下 入到去唔係話好full，搵左個位就坐底啦。餐牌餐牌，我無餐牌呀。 哦！舉頭望餐牌 原來係有五種蛇既太史五蛇羹!!蛇王海有三個餐，分別在於第三，一個係蛇湯，一個係蛇酒，一個係油菜。 雖然餐牌無寫，但餐係可以加大，加大就82蚊，蛇羹就會變成超大碗！ 另外都幾建議各位加臘腸，是關碗糯米飯係比較小臘腸; 而且佢地既臘腸係自己生曬。味道絕對比大牌子更出色。 蛇羹先上，好大碗好滿喎！咁太史五蛇羹有邊五種蛇呢？有眼鏡蛇、金腳帶、過樹榕、三索蛇、百花蛇，另外亦都有雞肉、木耳、冬菇做配料，口感豐富。 一眼就見倒大大條蛇肉，係有啲驚嫁，衣家睇番！ 好多肉呀！仲有菇同其他配料！話時話，碗仔翅又真係出色啦！又似魚翅又似蛇羹，贏哂啦！ 糯米飯呢無影到有幾大碗，但個碗就細過蛇羹個碗既。 糯米飯入面有小許冬菇、肉絲、臘肉。雖然飯既顏色唔深，但夠咸有嚼頭。或者係小編比較鐘意食冬菇，真係覺得佢好好味，一見倒有冬菇就起勢咁咬，感覺好Q!! (真係好少臘腸呀，記得要加呀!) 黎埋碗重葯材味既蛇湯就一套全齊啦！蛇湯既味道幾似台北士林夜市既十全燉湯，佢笨唔係中醫既中葯味，亦都幾易入口先甘後甜。 如果生濕疹既朋友都適合飲蜿湯特別係要加10蛇果碗龜茯湯，因為佢係清熱解毒，當然小編唔係中醫，建議各位想以蛇湯去濕疹既朋友可以問左自己既主診中醫師。 大家坐底之後會見倒有兩盒野放係枱，左手邊有薄荷葉，右邊薄脆。薄荷葉係用黎辟走蛇既腥味，小編第一次食覺得味道勁似金不換。相信佢既味道唔係人人接受倒，加既時候先加小小睇下岩唔岩味先好再大量呀。薄脆就比較似梳打餅，食落去幾飽肚！ 功德完滿方可帶笑歸去......唔知係男友心理作用定真係蛇羹顯靈，佢食完話暖粒粒，我就依然手腳冰冷囉。
