Bistronomique 今次再一次尼到中環蘇豪既bistronomique 食午餐。這間餐廳的午餐大約120蚊，但是質素卻非常高（晚餐要成400蚊的），所以一有朋友過來這邊食午餐我都會介紹這間。本來以為佢唔會點轉menu，點知有驚喜。大部分menu都改了，除了招牌菜牛扒同凱撒沙律。 Baby 魷魚沙律 嫩口既魷魚仔加上煙肉做既汁，微微帶點咸味又不破壞魷魚的鮮甜。少許燒焦既魷魚味到加上點點既辣味，非常惹味！我認為這樣的做法比起原條魷魚燒更可口，肉質更嫩滑。 凱薩沙律 流心蛋，醋醃銀魚，煙肉粒，帶果香的巴馬臣芝士和原條的新鮮羅馬生菜，做出了特別的凱撒沙律口味。帶果香的巴馬臣芝士為單調的蛋黃醬加入豐富的味道，令層次大幅提升。原條羅馬生菜不是爽脆那種口感，而是有少少淋而且被蛋黃醬充滿著的感覺。 廚師精選 - 炆牛面肉 把輕輕燒焦既芝士舖在幼滑既薯蓉，下邊是口味濃郁既紅蘿蔔炆牛面肉。牛面肉炆到非常淋，有點像一條條肉絲的質地，肉味很豐富，甚至帶點騷味，不過襯著薯蓉就非常配合。甜甜的紅蘿蔔和小洋蔥粒為菜式增加香味和口感。 慢焗美國雞胸 很驚喜，第一次試slow cook 既菜式。第一次食雞胸可以唔鞋唔實。質地比起平時既雞脾更軟滑，但係雞肉味就更加濃郁。不過味道只有燒汁味比較單一，如果一個人食哂成道菜可能會太膩，建議同人分享。 這餐廳的食物質素我會給很高分，不過服務方面可以做得更好。值得特登過去食！
