西餐食得多，紐西蘭菜又有無食過？中環嘉咸街就開左一間。餐廳舖面不大，只有4-5張枱，不過空間足不算很逼。特別想讚賞一下侍應對菜式的簡介，很友善好客。餐廳以輕食為主，由紐西蘭來的老闆親自主理，絕不馬虎。侍應細心地介紹了以下的菜式 Tua Tua slider with lemon paeroa Mayo 外層既包係自製用黑蒜同墨魚汁整既包，夾住魚肉同蟹肉加入lemon paeroa 梳打同蛋黃醬做成既餡料，加埋清新既蕃茄同沙律菜。口味清新，魚肉蟹肉既餡帶少少酸，海鮮味濃加埋清新既蔬菜十分開胃。特別欣賞佢既溫度控制，魚肉蟹肉餡 既溫度微微凍，保持這道菜式的清新感覺。 Battered NZ fish with chips 用進口既Grouper 魚做既炸魚，表皮用cider 醃話而且又薄又脆，魚鮮味濃郁，肉也很嫩滑。加上清新既檸檬沙律醬，豐富而不膩，非常滿足。 薯條係原隻薯仔切條焗完先炸，薯味濃，又夠肉地。沾一口加入紐西蘭fire dragon 辣醬既茄汁，十分惹味。 Maple glazed South Island lamb shankwich with NZ cheddar 羊膝用唔同既香草炆好，再將汁煮杰，令羊肉就很juicy入味。羊肉炆得很淋，加埋馬蘇里拉同車打芝士既煙韌口感同埋烘得又乾又脆既自製麵包皮，對比很特別有趣。 很有誠意的餐廳, 值得專程去嘗試一下。
