星期六男朋友好雀躍咁帶我去左1間位於旺角既火鍋放題，起初我都唔得得有咩特別既，因為佢太鍾意打邊爐啦，所以我都好似平時咁跟住佢去。到左之後，我地加左小小錢轉左個清酒卜卜蜆煲，食完蜆加湯打邊爐就冇得揀湯底啦 （其實仲有其他好多選題架）～ 個煲黎到之後我O左咀，因為份量十足仲要隻隻都大大隻好飽滿，正😄 個蜆煲真係份量十足架。佢真係濃濃既清酒加上黑胡椒粉就已經令到成個煲味好好味😋我地KO左蜆之後，我就其實都已經飽左一半，所以佢個份量幾咁足夠呢～ 之後我哋叫既配料都黎左，個海鮮拼盤係送既，仲繼續有蜆食呀，哈哈😆（我係蜆控無誤，yeah！）佢哋既牛其實一般，要真係食靚牛既話，去食牛專店架啦。 炸魚皮，呢個一般水準，可接受。 但值得提下佢地既蝦滑（丸）、墨魚丸，食得出係手打既，粉唔多墨魚同蝦份量夠同打得多，出黎既滑或丸先至會彈牙，呢度真係唔錯，幾好食😋 我哋總共叫左多2輪蝦滑墨魚丸添呀😆 因為黎呢度前1日有book位，所以好好彩咁有窗口位係坐，雖然係旺角街景不過都幾好吖～其實呢度既員工有部份係聽障或語言障礙既人士，職員介紹餐既時候已經提醒我地，只要簡單既手勢都已經可以溝通。整餐飯既時候，有部份員工需要同我地溝通都係只比簡單手勢同鞠躬示意好有禮貌。整體而言，成間餐廳既員工都好親切、有禮，响依家呢段困難期間，弱勢人士可以有工開而又有老闆肯講佢地（希望係用市價啦），都算係件好事黎既。自己有能力消費時，都希望消費得有意義，值得去試下。總之一句，各位加油💪
