之前仲係好好太陽同好似夏天嗰幾日，當然去左戶外活動啦，行完山之後，我2位成日周遊列國既朋友話好想食西班牙菜，所以serarch左一輪之後，朋友建議去灣仔其中一間餐廳試下，所以我就理所當然咁就展開我第一次既朝聖之旅。 去到利東街，未係時候食飯，好自然咁帶我2位朋友去我十分喜愛既cafe坐一坐啦。呢間就係 Omotesando Koffee啦，佢成個環境都以日式及簡約為主，空間感十足，坐位唔多，但每一枱都好適合三五知己聊天，而中間有一張大長枱及有站立享受空間，而令我最愛呢間cafe既就係佢既抺茶latte，平時飲抺茶總會覺得濃而帶有小小苦澀味，不太討好。但呢間既抺茶茶濃香而沒有我討厭既苦澀味，所以我一試就愛上。 我朋友都比我說服要試一試呢度既抺茶latte呀！之後，我地就响呢度聊天等夠鐘食飯啦，開心既係我2位朋友都好喜愛呢度！！！ 之後，我地就去食西班牙菜啦。叫左1個前菜、1個pizza、1個指定既西班牙炒飯。2位朋友都覺得呢間餐廳既野食都帶有小小西班牙味道，佢地都好滿意，而作為1個未去過西班牙既人黎講，呢間餐廳食物水準都十分之好，好好味。 點擊圖片放大 增加西班牙特色既國旗～～ 前菜，我地3個一致應為一般，可以不試。 Pizza為水準之作～ 西班牙海鮮炒飯，朋友極力地食，佢話好有當地既味道～ 由於我地當晚聊得十分之高興，所以我地各人都追加左1杯特飲同叫左個黑松露醬著條，邊聊天邊繼續食野。其實朋友另外再叫左一杯話係一定要飲既野，但我已經唔記得左叫咩名同冇影相，下次要問返朋友仔嗰杯叫咩先～ 食完飯一落街往上一看，先發現夜晚既利東間真係幾靚，到呢一刻先至明白到點解身邊咁多女性朋友經常話要去影夜相，真係幾值得穿靚衫影靚相既。 呢個地球裝置係宣揚大家要愛惜地球資源，因為資源係有限的，如果我地再豪無節制地揮霍資源，終有一日人類會自食惡果的。 我地2個女仔見到呢個地球，就係咁响度影過不停，換左不同角度、post係咁影過不停，難為了我們既男性朋友呀～影完相之後，就簡單咁完成左我今次朝聖之旅啦～ 呢一日過得十分開心，响我2位朋友面前我不需要做作，做最自然既我、講最直率既說話、不要修飾，真係好舒服，感恩我朋友唔多，但留响身邊既都係對我最真誠既朋友，感恩。
