話說早排去左個泰國快閃，原本一心一意去買返支念念不忘多年既body wash，點解咁掛住佢呢，就係因為佢既氣味令我沖完涼好放鬆，好易入眠。我3-4年前開始好難有深層睡眠，而且好細微既聲都令我好易醒，而上一次去布吉時有朋友介絡支沖涼比我試，一試之下又幾好同對我有出孚意料既效果，之後我就好掛住支沖涼液啦。 其實我一路講緊既就係 Mt. Sapola Sap at home 既其中一種我最喜歡既 Oriental Wood 味既body wash，我十分鍾情呢隻味道，我自己沖完涼之後成身充滿呢隻味，之後我即刻上床瞓，就真係一覺瞓天光，正！！！ 今次除左買左2支body wash返黎之外，仲買左一支由sales姐姐推介既隨身按摩油添，事源我問佢有無頭痛時可以塗既放鬆精油 （之前用開加拿大品牌既精油，但就黎用晒又未搵到代購，所以儘管問一問，之後再搵機會分享），之後佢就介紹左支隨身按摩油比我啦~ 有1支body wash 一返到屋企就開始用，唔夠1個月就用晒啦，所以影相時得返1支咋。淨返一支有種心態唔捨得用囉。 登登登，我講緊既就係呢支隨身按摩油啦，佢有陣陣淡淡既薰衣草味，感覺好清新，原本諗住頭痛先拎佢出黎用，但前排實在太瞓唔到覺，所以以咩都一試既情況之下拎佢出黎按摩一下頭部，點知竟然可以一覺瞓到天光，仲要睡眠質素十分之好添，原本都以為咁啱撞到一次有覺好瞓啫，之後我試足成個星期，晚晚都一樣好瞓，又真係估佢唔到。 佢隨袋內有一張類似instruction既紙仔，雖然佢講明係for jetlet 用，但其實大家都有幫助放鬆緊繃狀態既效果，所以我呢期都好勤力咁晚晚跟足佢上面按摩既部位，幫自己放鬆心情，盡快入瞓！！希望有朝一日我可以不用靠任何野就可以進入睡眠狀態，但現階段就用佢黎幫住我先啦～
