#25 November 2018# 今日去左太子花墟美食節，位置於界限街花虛公園，可惜今日天公不造美，經常落雨，實在好難有好心情行街同搵食。不這我實在太為食啦，點都响現場搵到野食。 首先一入場就目到個牌寫住 - 牛奶豬肉丸，比呢個名吸引住，所以就買左黎試下。個牌寫著係泰國小吃，咬落去無牛奶味，但好有肉汁，有蒜蓉味同蔥味，口感十足，面隨有之女紅薑片，食一小塊帶有辣感，可有解膩作用，一粒之後一塊薑，絕配，好味。 之後，就試左香燒帝王蟹棒同鹿兒島和牛粒。 蟹棒味道一般加上唔夠熱，所以整體黎講無咩驚喜。而和牛粒一咬落去好有肉汁，只加小計鹽同黑椒就能帶出牛既鮮味，實在好味。 接落黎就係肥大大既曼魚，味道普普通通，肉質結實，口感不錯。 壓軸去試既就係-金鳳一口牛，保持一貫高水準，口感嫩滑，唔難咬，個汁勁惹味，真係一啖一粒，最後差D要爭食添呀，當然牛味同和牛無得比啦～ 可惜去當日天公不造美，經常落雨，有時雨勢仲好大添，撐住把遮行好唔方便，而且有好些地方都係無得避雨，所以我地醫完肚就走左luu～但係眼見個場帶好多攤位我都想睇架，但都係嗰句，落雨擔遮唔方便 >.< 希望下年舉辦時唔好再落雨啦～
