首先簡單介紹下呢個活動先，呢個黑夜定向我參加左2年，呢2年大會個主題都係為SEN既小朋友及青年人籌得善款，幫助他們發掘學業以外的強項，建立他們既成就感，提升自信；同時讓各界人士了解及認同他們的能力，給予機會發展藝術和才能。由2016年開始，救世軍將城通定向由日頭改成夜間進行，從而讓參賽者體驗如何於黑暗中找到方向。 今年既場地係中山紀念公園，地方選得十分之好，空間夠大可以容納到十分之多既參賽者，更好既係場地位於海邊，可以一邊觀看夜景一邊等待出發，真係一樂也！而賽事既規則十分之簡單，就係每一隊參賽者於2小時內用手上既無字地圖去搵不同既控製點以奪取分數，分數愈高就愈易奪得名次。而我從來都是志在參與既心態參加，所以冇名次可言~ 往年我參加各類定向活動，都倚靠身邊人尋找方向、定路線的，因為我是出左名睇地圖會睇錯方向既人。而今年我既搭檔決定放手讓我搵check point、定路線，順便訓練我睇地圖既能力咁話喎～當然啦，我搵到既check point都係一些顯而易見既地方，所以今年既成續不及往年啦^^但當我自己將check point搵得正確而又帶到隊友去，嗰個滿足感都幾大架，因為原本我係路痴黎架嗎 ~ 今年大會好有心思，將我地既隊名做成印水紙，等我地可以將自己既隊名貼於身上，即刻氣氛都好好多啦！ 出發前有5分鐘可以研究幅無字地圖，開始同隊友商量路線，規劃行程，而想取得名次既朋友仔就要想辦法去最多既check point同爭取最多既分數啦，大家加油啦，準備出發！！！ 由於由我呢個會迷失既人規劃路線，所以行程上係有小小兜兜轉轉，去到既check point唔太多，加上我怕唔夠時間回程，所以最於我地於100分鐘就以呢個天下為公既牌坊作結，yeah我終於去晒我定既checkpoint啦～總算對自己有交代。 期待黑夜定向2019，更希望我往後既每一年都可以繼續參加，可以用小小既綿力幫助有需要既人士。 另外，依家响 『香港開電視』有一套由馬俊偉拍攝既 『同理・繼續走』既節目都係講有關SEN既小朋友同青少年既成長期間同其家人所面對既問題，有時間可以去睇一睇了解下。 P.S.：著住運動衫短褲跑入蘭桂芳都係第一次，全程好過癮。
