Instagram 除左可以用黎睇身邊好朋友既近況之外, 其實都係一個用黎血拼既好平台。身邊有不少既朋友都去左外國留學, 全都不外乎, 美國、英國或者法國等等既大城市, 佢地會係Instagram幫人代購。 由於好多出名既大牌子都好多由呢D地方黎, 所以, 係外國買返佢地出口既貨品, 其實會平好多, 同埋有D款係香港真係買唔到。如果真係想比有潮, 追得上潮流既尖端, 去Instagram 買野係一個不失為好方法。 不過最近睇新聞都見到有不良既商人收左錢但唔俾貨 http://hk.apple.nextmedia.com/news/art/20140428/18703011 注意事項: 1. 搵返D信譽好既店舖 大家係Instagram 買野個陣都要搵返D信譽好既店舖, 最好搵朋友平時都幫襯開同埋開店時間已經有一段日子, 我通常都會觀察返一個月左右, 先會係個間店舖到買野。 2. 買家留言或評分 買家既評分大部份都係客觀同比較可信。始終網上購物冇實物, 就算有實物圖, 但點都有色差或者偏差。有時其他買家買完仲會著上身再影相放上網, 咁睇得最好。 網購雖然方便, 又可以買到好多最新的產品, 但由於唔係一手交錢一手交貨, 而且又冇實物圖睇, 始終買家都會承擔一定既風險。為左保障自己, 同時亦可以買到心儀既貨品, 花多小小時間同心機都係值得既!