身邊好多朋友都有網購既習慣, 但佢地成日都會抱怨係網購既野 ‘貨不對版’, 有色差既問題、size 唔岩。 久而久之, 佢地就開始對網購好失望, 甚至唔會再去網購到買野。但係對於我黎講, 網購係一種好方便既shopping既渠道, 如果你識用網購, 就一定會買得又平又靚既野。 淘寶(TaoBao) 係身邊既朋友最常會網購既網站, 但其實淘寶呢個地方, 係唔同店舖買相同既貨品, 運返黎既貸品真係可以相差好遠好遠。所以, 當你係淘寶買野既時候, 真係要好小心好小心。 就等我share 一下大家最常用既淘寶(TaoBao) 網購既心得啦! 其實係淘寶購物係需要去花心機同時間, 如果唔係就會好易買左d唔岩心水既野。 淘寶購物小貼士: 1.店舖等級 最低級就係心心, 然後就到鑽石, 最高級就係皇冠啦。 點擊圖片放大 2. 支付寶 係店舖信心既保證, 因為咁係代表左佢地放左一筆錢係淘寶, 咁當買家對賣家既貨品有不滿或退貨都有信心既保證。 3. 評價 其實淘寶每一間店舖動態評分同顧客評分, 我個人覺得顧客評分好重要, 因為佢地係最客觀, 有時佢地會post d相上去, 咁個d就一定係實物圖啦! 咁就放心信得過。
