原文: http://talkupday.com/音樂人推介-周國賢/ 原文作者: YNWA Facebook 專頁: Talkupday 圍講噏Day 呢排成日講選舉同食，今次想同大家推介一名非常有才華又有heart嘅音樂人－周國賢Endy 相信大家對佢呢個名一啲都唔陌生，尤其 係嗰首＂目黑＂更係街知巷聞，但除此之外，好似就再冇乜耳熟能詳嘅hit歌，而佢嘅星途亦都只係浮浮沉沉。筆者一向都蠻喜歡Endy嘅作品，覺得好多歌背 後嘅story都好真好感動，所以好想透過呢個平台令大家再認識多啲佢嘅音樂同佢嘅熱誠。 周國賢早喺2004年出 道，至今已經有12年。曾經喺日本留學嘅佢，有一名韓國太太並有3個囡囡。周國賢好不幸喺2013年患上咗情緖病，最後更要暫別娛樂圈，一家大細返去加拿 大，希望可以靜落黎好好調整情緒。喺好友藍亦邦鼓勵下，Endy終於再次投入音樂創作，並喺去年回流香港，簽下新唱片公司，再戰樂壇，更推出新碟「WE FIGHT LIKE KIDS」，收錄4首新歌，全部由佢自己親自作曲編曲，仲揾咗好朋友Wyman，Tim Lui同林若寧幫手填詞，透過歌詞講出佢喺呢幾年想同樂迷分享嘅故事。 附上訪問連結，關於周國賢點樣面對情緒病 http://hk.apple.nextmedia.com/entertainment/art/20160304/19515189 《年輕人們》 周國賢今次只用木結他彈出比較acoustic pop嘅感覺，襯托上林若寧嘅歌詞，寫出呢個時代嘅年青人面對喺社會無助嘅心態，繼而幫佢哋打氣。 https://www.youtube.com/watch?v=YvjYTsv_4Uo 《我們都不是無辜的》 筆者最喜愛嘅歌曲，亦係《We Fight Like Kids》呢張細碟嘅最終章。歌曲由頭到美充滿住一股淒美嘅感覺，到最後嘅爆發更加將情緒推向高峰，細心留意Wyman嘅歌詞，回應住向伴侶提出分手時嘅控訴。大家由互相埋怨到最後男方真心想挽留女方，從一句大聲呼「I LOVEYOU」到及後一句「無論變得，多可惡，多可惡，願意同甘苦」教人感動非常。Endy喺訪問曾透露呢首歌嘅靈感係黎自患病個陣情緒失控，差啲令太太放棄佢而所寫。 https://www.youtube.com/watch?v=sQkioKadAk8 《CHILDREN SONG》 同好朋友邦邦嘅合作，有啲似「年輕人們」嘅延續。希望用「問句」方式黎帶起樂迷們嘅思考，反思點樣去做人嘅心態先最正確。想大家喺充滿競爭嘅世界入面，唔會受世俗影響，而又可以好似小孩子咁簡單快樂過日子。最重要係做返自己，想笑就笑，想叫就大聲咁叫。 https://www.youtube.com/watch?v=Lsvry_XKJRE 《今生不回家》 新鮮滾熱辣今個月推出嘅新歌推出，再一次同Wyman合作。 https://www.youtube.com/watch?v=jqzQq28QUAc 《目黑》 咁經典冇理由唔重溫多次架 https://www.youtube.com/watch?v=1gCxBo-T9NE 周國賢寫/唱嘅歌因為唔係K歌，所以未必係大眾嗰杯茶，不過佢係一個有天份有heart嘅音樂人，希望大家可以多啲留意佢嘅作品，支持本港音樂人。 情緒病係常見嘅都市病，希望大家多啲關心身邊嘅親人同朋友，只要有多啲愛就一定可以戰勝任何疾病！
