大家唔係唔知道，永康街一帶真係好多好西食，又鼎泰豐/高記、又天津蔥抓餅、又樂麵屋、又永康牛肉麵， 仲有和茗甘味處，你叫人地一行入永康街如何是好!? 不過喺永康街永康公園對面，有間大家睇落普普通通、但係佢嘅鰻魚飯卻有啲估唔到地好食嘅日本菜餐廳， 今天小編即開誠佈公同大家開心些牙啦！ 話說小編嗰次去完華山文創影相睇展後，就搭捷運落左永康街食午飯， 行行下見到呢間叫「永康肥鰻屋」嘅日本菜， 適逢小編有啲肚餓，咁就不如行入去醫醫肚先。 店面裝潢好似日本的居酒屋，有吧檯、半開放式廚房而且地方淺窄，更有東瀛風； 店員安排小編入去坐吧檯後放低點菜紙俾小編，入面有單點亦有Set可以選擇， 如事者小編叫左一個鰻魚飯+炸豬排的Set，另外再加一串燒鰻肝來吃。 點擊圖片放大 首先它先送上三式前菜，醃白蘿蔔係唔錯的，其他兩樣無意見； 之前主菜來了：鰻魚飯跟一份炸豬排，還有另加的烤鰻肝和麵豉湯。 小編先食左條烤鰻肝，可能小編食唔慣，覺得有啲苦同有啲腥，呢啲野真係似乎試一次好了Sosad； 之後入戲玉食鰻魚飯—灑了醬汁的白飯和一條鰻魚放左一個便當飯盒裡， 鰻魚烤得剛剛好而且有少少油焦，食落口肉質唔錯而且略帶甘甜， 鰻魚上的醬汁跟鰻魚剛剛好Match，而且鰻魚裡嘅魚刺都唔會太蠶口， 至於小編點解講有啲估唔到，因為鰻魚飯有改善的空間： 飯做到一粒粒但可以多少少醬汁，另外魚刺方面可以處理得更好。 至於炸豬排方面，雖然好難跟銀座杏子、靜岡勝政嘅炸豬排相比， 但都算好食而且都炸得唔錯(特別是上面的醬汁)，而個麵豉湯小編就覺得無乜特別。 埋單食左小編Total NT$420(個Set NT$380 + 烤鰻肝NT$40)，唔算平但都可以一試， 不過仲有一樣可以改善：店員的態度可以再好少少。 永康肥鰻屋 地址：台北市大安區永康街12-2號(永康公園對面) 電話：02-23570028 營業時間：11:30-14:30；17:30-21:00 * 想知多啲關於台灣的資訊同美食好去處，記得鎖定 台灣.日和！
