經過一年疫情緩和之後，Marvel系列電影終於上映，黑寡婦之前喺鐵甲奇俠iron man第二集出現過之後，印像中係首位亮相marvel女性，之後雖然陸續有其他女性出現，但黑寡婦嘅魅力始終沒法擋，而且市場聲音希望有黑寡婦嘅獨立篇，終於等到復仇者聯盟第4集終局死咗之後先至出到前傳，十年有多。黑寡婦的電影時間線喺iron man同美國隊長決裂嘅期間，黑寡婦投向美國隊長那邊，並放走咗美國隊長之後就失咗蹤所發生嘅事，帶出黑寡婦背後所入的一個組織，組織專捉走細路女隊去受訓，黑寡婦當年仲係細路女就接受訓練，如果頂唔順下場只有死，黑寡婦大過咗變節並解放所有被捉女性，仲追住呢個組織嘅老大誓要將佢消滅。我認為篇幅唔算冗長，成套戲較深印象係組織安排黑寡婦生活於一個喬裝家庭中，著墨於黑寡婦與家庭成員的互動描述，呢一點有別於其他系列故事，雖然黑寡婦對住「偽」家庭成員亦存在感情，多少暗藏了她對住marvel成員亦重情義，而作為黑寡婦喺Mavel嘅最終集係有所交代。
