打工仔食飯得一個鐘時間，所以平靚正之餘最緊要快，呢間餐廳門外排隊，不過又唔係等好耐，隔一陣就入咗去，餐廳晏晝冇乜嘢選擇，分別有精選午餐、港式常餐同招牌推介。點擊圖片放大 +2 點了「喜哥蔥油豬扒煎蛋飯」$60，可媲美餐牌上的圖片，因為一般出嚟嘅效果對比圖片要打些折扣，但呢個飯視覺效果同相片有得揮！！豬扒size確係重量級，好比我嘅手掌大小一樣，肉質稔而有咬口，煎得幾香，加多隻蛋同有我至愛嘅葱油組合令人「爬」多兩啖飯，唯一係豉油多咗啲，適量落番少些就good。 茶餐廳點可以唔飲凍鴛鴦，沖得唔錯，為夏日解暑透心涼！餐廳嘅裝修唔駛太高要求，最緊要企企理理保持衛生就得，而呢間餐廳食物質素確係幾好，上菜唔會等得耐，印象唔錯！
