與久違朋友相約居酒屋，言談之間朋友透露最近被同事背後講壞話令佢心情欠佳，咁一於食得開懷啲！點擊圖片放大 「伊勢海老燒」🦞：龍蝦配海膽以火槍燒成半生熟，帶有爽口卻又保留刺身的新鮮口感頗為特別。打卡同食完之後，服務員會攞走龍蝦頭並煮成湯或者粥，任君選擇，而我們就選了每樣各一。兩者其實在配料上差唔多，同樣有菜同菇類，唔同嘅係湯用豆腐煮，而粥就係用米煮。兩者嘅湯底一樣濃郁帶甜，龍蝦頭仍有不少肉，煮熟時吸收湯汁，令龍蝦肉腍有啃勁，鮮味十足。 串燒方面🍢，分別叫咗雞軟骨、雞肉串、雞腎，我個人欣賞雞肉加了調配過的wasabi醬，令食物味道提升卻唔會攻鼻。 一口芝士🧀：同樣係炸物，外脆而內裏芝士軟綿綿，啱曬芝士控。 秘製炸雞🐔：唔會用好多粉嚟炸，但卻又炸得鬆脆，雞肉嫩滑，仲應該係啱啱炸起，所以食落去仲熱辣辣。 美食當前，再配埋現場氣氛，確令人容易放鬆心情，趁著咁嘅氣氛安慰一下朋友，其實人哋把口喺人哋度好難控制，佢哋講你壞話只因你有比佢優勝嘅地方而引起小人妒忌啫，所以做人何須太執著，笑一笑世界更美妙。
