民以食為先，趁著疫情回落約下朋友火鍋聚餐，當然要自律守防疫規則，出去攞嘢食之前同食完之後都帶番個口罩。 朋友想無的放矢食到盡，第一時間想起新南苑，呢度夠大眾化唔拘謹，揀啱個餐就可以開餐。 記得星爺套"功夫"其中對白「沙鍋咁大嘅拳頭」，睇嚟呢度手掌咁大隻嘅蝦亦不相伯仲，夠晒台型，大隻要灼耐啲啲，夠爽口。大隻食完唔夠喉都可以任食size無咁大嘅海蝦，當然口感唔同，但蝦味不遜色。手切牛頸脊，厚薄有致一片灼到變色可食，冇渣食得好暢快。點擊圖片放大 +3 食完套餐嘅指定嘢食就半飽，朋友卻仍未盡，在餐紙掃了一碟碟嘢食，我話食晒先好，朋友滿堅定嘅答ok。一碟碟送來，賣相一般，但食物卻保持質素，整體唔錯。我話最緊要食番啲菜，可以出去bar枱攞，選擇多，不馬虎。食飽飽仲有甜品，滿足。而朋友亦清晒嘢食真係言出必行，勁！睇埋佢哋有個至尊級別嘅套餐，質素份量倍升，下次叫埋朋友挑戰一下！！----------------------筆者：年齡係一位大叔，希望藉運動減慢變成大叔外形。「大叔的生活」：藉生活嘅不同點滴，和大家分享個人體會。「大叔的零食」：在家工作、公司工作、郊遊、發呆、恰眼瞓。。任何時候總有零食係我身傍，人生點可以冇精神食糧。 「大叔的運動」：跑步，係我2020年養成習慣嘅運動，由初初3K跑到宜家10K，我嘗試喺唔同地方跑，過程中我都會見到、聽到、感受到唔同嘢，當遇到有趣嘅，我會拿起手機捕捉下。 「大叔的院線」：大叔自從收到Netflix禮物，從此好戲浪接浪，令大叔找到跑步之外其他樂趣！之後睇到有乜好戲再同大家分享一下！--------------------
