大叔去大埔找老友，佢話住大埔嘅應該知有條「食街」多美食，仲同我去幫襯 「一鳴丼食堂」。壽司🍣，刺身🦑，丼飯🍱，小食🦪，玉子燒🧈，串燒🍢……都可以係MENU到搵到。餐牌設計精美，日本風得黎又可以將選擇好好咁present俾食客，簡而精！👍 以門面黎講，其實都幾日式，進入餐廳更加要經過2塊藍色嘅布簾😝 如果你想了解下餐廳有咩選擇，都可以選擇睇睇門口痴得好穩陣嘅餐牌，睇好先入去幫襯！因為我想試下佢個丼飯，所以就叫咗個「鮭火山」。 材料主要包括三文魚，三文魚籽同拖羅蓉，岩晒我呢個🐟控☺️ 除左配上主要材料之外，丼飯更配以青瓜同玉子，令到成個丼飯層次分明，一次過滿足幾個願望😎三文魚：每粒都無肥肉，淡淡肉三文魚籽：數量極多，目測有40粒以上拖羅蓉：吞拿魚味濃 另外叫咗個是日廚師推介 -「火炙三文魚脂壽司」，賣相麻麻，但一咬落去果種肥肥魚脂爆出黎，超邪惡啊😈... 平時係其他鋪頭，未必有機會試到呢個菜式，確實係新嘗試👍 店員有時行過會問我哋d野食如何，什至會補充食物嘅小知識，值得一讚，Overall 呢間餐廳我會比9️⃣0️⃣分🉐----------------------筆者：年齡係一位大叔，希望藉運動減慢變成大叔外形。「大叔的生活」：藉生活嘅不同點滴，和大家分享個人體會。「大叔的零食」：在家工作、公司工作、郊遊、發呆、恰眼瞓。。任何時候總有零食係我身傍，人生點可以冇精神食糧。 「大叔的運動」：跑步，係我2020年養成習慣嘅運動，由初初3K跑到宜家10K，我嘗試喺唔同地方跑，過程中我都會見到、聽到、感受到唔同嘢，當遇到有趣嘅，我會拿起手機捕捉下。 「大叔的院線」：大叔自從收到Netflix禮物，從此好戲浪接浪，令大叔找到跑步之外其他樂趣！之後睇到有乜好戲再同大家分享一下！--------------------
