點擊圖片放大 +3 大叔趁住復活節假期入戲院睇《多啦a夢》stand by me 2，故事完全圍繞大雄做創作，形容時光機穿越了出世當天、嫲嫲時代、結婚日，感動位多，尤其每次看嫲嫲出場時的說話神情，以及對大雄的呵護備至也被觸動得鼻酸酸。「任性」用在小孩子身上似乎理所當然，所以小時候的大雄點樣差都好總會心諗：「大過就唔會㗎啦。。」，點知成人大雄卻沒半點長進更要結婚當天逃避，心裏不禁懷疑靜香點會同佢結婚？不過，其實大家睇返自己都有唔完美嘅一面，但亦也有優勝之處，就好似大雄重感情、率直、為人樂觀(永遠俾胖虎打完之後都會做返朋友)，只要抱住正面心態學識欣賞別人，世界更加美好。值得一提係主題曲十分好聽，片尾時播放時候現場觀眾都聽得如痴如醉，聽埋先走。-------------------筆者：年齡係一位大叔，希望藉運動減慢變成大叔外形。「大叔的生活」：藉生活嘅不同點滴，和大家分享個人體會。「大叔的零食」：在家工作、公司工作、郊遊、發呆、恰眼瞓。。任何時候總有零食係我身傍，人生點可以冇精神食糧。 「大叔的運動」：跑步，係我2020年養成習慣嘅運動，由初初3K跑到宜家10K，我嘗試喺唔同地方跑，過程中我都會見到、聽到、感受到唔同嘢，當遇到有趣嘅，我會拿起手機捕捉下。 「大叔的院線」：大叔自從收到Netflix禮物，從此好戲浪接浪，令大叔找到跑步之外其他樂趣！之後睇到有乜好戲再同大家分享一下！「大叔的味蕾」：舌頭感受食物味道，大叔堅負走勻十八區使命，食盡所有美食！--------------------
