大叔的院線#7 大叔係Netflix睇呢套「預支未來 」，劇集由幾個故事連繫，主線圍繞一個好神秘嘅購物網站，賣嘅絕對唔係一般物品，會係一啲人哋擁有嘅嘢又或者係彌補心靈上嘅物品，好似第一個單元就講小說作家買了另外一個人將會寫嘅小說，而家變咗據為己有，令自己受人景仰；又好似有一個家庭喪失了兒子，從網站買了眼藥水，滴上眼睛後，就見到這個逝去的兒子並且一路一路成長，彌補心中的缺口；又或者係一個宅男買了一個人偶，經過浸浴後變成如真人模樣嘅人偶，而且性格很接近自己嘅心思，滿足了宅男嘅愛情缺口等等。點擊圖片放大 +2 買返嚟嘅嘢當然都可以滿足一時嘅慾望，但最後都有唔係太好嘅結果，如果畀你遇到呢個網站可以買到一啲之前好想擁有嘅嘢，但可能要付上代價，你願唔願意呀？故事穿插住警察一路追查神秘網站腳背後運作，似係一部懸疑推理作品卻加入疑幻似真嘅劇情，有追看性，不過略欠緊湊，少咗抽絲剝繭、咄咄逼人的迫壓感。劇情一路到尾都沒有一個對網站嘅真正解釋，唔知係咪埋下伏線做第二季。-------------------筆者：年齡係一位大叔，希望藉運動減慢變成大叔外形。「大叔的生活」：藉生活嘅不同點滴，和大家分享個人體會。「大叔的零食」：在家工作、公司工作、郊遊、發呆、恰眼瞓。。任何時候總有零食係我身傍，人生點可以冇精神食糧。 「大叔的運動」：跑步，係我2020年養成習慣嘅運動，由初初3K跑到宜家10K，我嘗試喺唔同地方跑，過程中我都會見到、聽到、感受到唔同嘢，當遇到有趣嘅，我會拿起手機捕捉下。 「大叔的院線」：大叔自從收到Netflix禮物，從此好戲浪接浪，令大叔找到跑步之外其他樂趣！之後睇到有乜好戲再同大家分享一下！「大叔的味蕾」：舌頭感受食物味道，大叔堅負走勻十八區使命，食盡所有美食！
