大叔的院線#6點擊圖片放大 戲院開番😁，大叔也第一時間入戲院睇戲🎥，之前一直想睇「靈魂奇遇記」✨，所以唔使點諗就揀呢套戲👀。故事講主角發生意外但仍有志未籌💥，所以想盡方法從鬼門關返回人間〰️，過程峰迴路轉，誤打誤撞更被安排做「起點之前」嘅導師😯，「起點之前」即係出世前的地方，主角要為一位叫「22」嘅小靈魂做培育工作🙌，要攞夠資格先可以投胎，就係咁從笑料百出而帶出人生道理🌈。套戲好似提下大家要珍惜生活好好實現夢想☁️，但當主角真係有機會返去人間完成夢想，可以同佢嘅偶像同台演出，但原來感覺卻又不外如是，冇想像中咁驚喜😌！我個人覺得反而係要同大家講人生有好多嘢追求🤭，但有時唔好太執著，自問盡咗力就無愧於心❤️。套戲班底係「玩轉腦朋友」☝️，如果兩者比較，我個人較鍾意「玩轉腦朋友」👈，因為用情緒嘅喜怒哀愁作題材比較新鮮😛。不過「靈魂奇遇記」仍然值得入場支持💪。---------------------- 筆者：年齡係一位大叔，希望藉運動減慢變成大叔外形。「大叔的生活」： 藉生活嘅不同點滴，和大家分享個人體會。「大叔的零食」： 在家工作、公司工作、郊遊、發呆、恰眼瞓。。任何時候總有零食係我身傍，人生點可以冇精神食糧。 「大叔的運動」： 跑步，係我2020年養成習慣嘅運動，由初初3K跑到宜家10K，我嘗試喺唔同地方跑，過程中我都會見到、聽到、感受到唔同嘢，當遇到有趣嘅，我會拿起手機捕捉下。 「大叔的院線」： 大叔自從收到Netflix禮物，從此好戲浪接浪，令大叔找到跑步之外其他樂趣！之後睇到有乜好戲再同大家分享一下！「大叔的味蕾」： 舌頭感受食物味道，大叔堅負走勻十八區使命，食盡所有美食！
