大叔的味蕾#4將軍澳海濱長廊的海景舒服閒逸，大叔每次跑步經過路旁見有幾間食肆，成日心思思想幫襯一下，不過因為跑緊步所以最後都冇食到。#花楽今日放假去了donki，終於有機會到海皮呢邊搵嘢食，行過幾間終於搵到心水店「花楽」，因為心血來潮想食日本嘢而呢間就啱晒。入到餐廳感覺好似係新舖頭，細問之下店員說剛剛開張了幾日，我心想：咁艱難嘅日子都仲可以開到新舖，的確難得，撐啊！點擊圖片放大 餐廳提供午市套餐，大叔叫了「牡丹蝦刺身雜錦丼」，刺身最緊要新鮮，而呢個係絕對做得到，點上些醬油及芥辣，鼻腔湧上芥辣的辣更加精神，見到至愛嘅牡丹蝦，也忍不住攞住蝦頭啜晒啲膏，丼的飯看上嚟大碗，不過個底唔係好深，大叔平時少飯所以啱我份量。加上有沙律菜、蒸蛋和麵豉湯，足夠有餘。點擊圖片放大 +3 看著外面風景，諗起平時自己在外面跑步，而家就喺入面食嘢，角度完全唔同晒，感覺幾有趣。-----------------------筆者：年齡係一位大叔，希望藉運動減慢變成大叔外形。「大叔的生活」：藉生活嘅不同點滴，和大家分享個人體會。「大叔的零食」：在家工作、公司工作、郊遊、發呆、恰眼瞓。。任何時候總有零食係我身傍，人生點可以冇精神食糧。 「大叔的運動」：跑步，係我2020年養成習慣嘅運動，由初初3K跑到宜家10K，我嘗試喺唔同地方跑，過程中我都會見到、聽到、感受到唔同嘢，當遇到有趣嘅，我會拿起手機捕捉下。 「大叔的院線」：大叔自從收到Netflix禮物，從此好戲浪接浪，令大叔找到跑步之外其他樂趣！之後睇到有乜好戲再同大家分享一下！--------------------
