大叔的院線#2大叔睇完另一N字第一季影片，而呢套片主要元素「平行時空+打機過關+人性」：[平行時空]睇到第8集其實都未真正交代點解主角會去到另外一個空間，不過答案步步迫近。大叔覺得最正嘅就係見到空無一人嘅日本城市！因為平時去日本城市多人到飛起，所以感覺更加特別。[打機過關]每個遊戲都設置時限性，有啲仲需要犧牲其他人來讓自己勝利，基本上唔見棺材唔流淚，死人係常識吧。［人性］每套戲都必然描述嘅人性，而呢套大叔覺得最深刻就係主角嘅兩個死黨喺遊戲是中犧牲自己成全主角生存落去，現實之中有幾多人能夠真係做到？！［感想］喺N字搜尋榜排前列係有其原因，啱晒我追求刺激、鬥智鬥力又帶迷局嘅劇情，最頂癮喺pass只係頂幾日，到期後又要再玩game嚟贏pass，循環不斷，所以一定要搵出背後原因先有機會逃出生天，第二季值得期待。點擊圖片放大 +4 -----------------------筆者：年齡係一位大叔，希望藉運動減慢變成大叔外形。跑步，係我2020年養成習慣嘅運動，由初初3K跑到宜家10K，我嘗試喺唔同地方跑，過程中我都會見到、聽到、感受到唔同嘢，當遇到有趣嘅，我會拿起手機捕捉下。 ----------------------------
