大叔的院線#1大叔睇晒呢部N字第一季影片，成條片嘅主要元素就係「打怪物+困獸鬥+人性」：[打怪物]怪物CG效果一流，核突又嘔心，印象中幾個場口都幾緊張，例如怪物被砍斷頭後得番耳仔，但仍能用耳仔聽到移動而進行殺戮，所以戲中人物要屏息靜氣行動，大叔亦睇到一額汗。 [困獸鬥]因為街上怪物隨時出現，前設了一眾人物要困在大樓內嘅條件，所以樓層與樓層之間、轉角位、長走廊追逐和昏暗燈光等等都營造了困獸鬥緊張元素。 ［人性］有姊弟相依為命嘅親情、有暗戀、有傾慕；亦有惡到盡頭嘅大叔到最後先講句「對不起」、冇咗bb嘅大嬸、殘而不廢嘅發明大叔。。。總之每個人都有背後嘅故事。去到生死邊緣有啲會谷有啲會縮，人生百態盡在一線之間。 ［感想］當見到一個個人失去生命嘅時候，就覺得生存嘅機會渺茫，生存只係為咗可以抖多啖氣、飲多啖水，根本唔知哪一刻怪物幾時出現。就好似而家啲病毒隨時喺你左右出現，可以而家睇更加有點感同身受！整體劇情節奏算明快有追看性，第一季埋下伏線，值得期待。-----------------------筆者：年齡係一位大叔，希望藉運動減慢變成大叔外形。跑步，係我2020年養成習慣嘅運動，由初初3K跑到宜家10K，我嘗試喺唔同地方跑，過程中我都會見到、聽到、感受到唔同嘢，當遇到有趣嘅，我會拿起手機捕捉下。 ----------------------------
