大叔狂跑步就係為咗食，我最鍾意食長腳蟹同埋生蠔，滴幾滴檸檬汁同埋甜酸汁真係鮮味同好惹味。不過食物就算幾好味都好，如果可以一班朋友共聚品嚐，談天說地，的確食得更滋味。所謂「分甘同味，獨食難肥。」大叔希望新一年好快解除所有限聚措施，一大班人食自助餐擦一餐，重拾眾樂樂的快樂。 -------------------------筆者：年齡係一位大叔，希望藉運動減慢變成大叔外形。跑步，係我今年養成習慣嘅運動，由初初3K跑到宜家10K，我嘗試喺唔同地方跑，過程中我都會見到、聽到、感受到唔同嘢，當遇到有趣嘅，我會拿起手機捕捉下。
