深水埗玩具街真係好多嘢睇,聖誕前好多嚟入手心水嘢,大叔捐窿捐罅睇下有咩平靚正嘅嘢,呢件合家歡啱聖誕節一齊玩,類似層層疊但係進化版,每一塊都係圓而唔係方,而且由零開始一件一件砌上去,同傳统先砌好一座係有分別嘅,而且另外一特別之處就係有個輪盤,轉到放一塊定兩塊,仲有一個箭咀符號,代表要轉動底座,仲容易跌落嚟。印象中呢款出咗一段時間,初初賣百幾一盒,可能貨尾呢度35蚊有交易,所以大叔都買嚟玩下。點擊圖片放大 +2 ------------------------------------筆者:年齡係一位大叔,希望藉運動減慢變成大叔外形。跑步,係我今年養成習慣嘅運動,由初初3K跑到宜家10K,我嘗試喺唔同地方跑,過程中我都會見到、聽到、感受到唔同嘢,當遇到有趣嘅,我會拿起手機捕捉下。 ------------------------------------