記得幾年前炸雞啤酒熱潮席捲全城,那時韓式炸雞店一間接一間,不過隨著熱潮冷卻,大叔眼見部分食店被淘汰深感可惜。呢間食店開咗幾年,每次上嚟食都依然回味,以大叔年紀食炸嘢再生暗瘡嘅可能性唔大,所以難自制係咁瘋狂食。今次大叔叫咗「夏咸夷阿努哈」即係炸雞炸蝦大集燴,亦有魷魚圈同粟米,組合令人心花怒放,雞肉嫩滑肉汁從內溢出,蝦肉亦新鮮鬆脆,每食一隻點一款醬有酸有甜嚐唔同嘅味道。「炸軟殼蟹」之前大叔去壽司店都叫軟殼蟹壽司或手卷,呢度嘅軟殼蟹一食係微脆,食落有鹹香味,送啤酒一路。餐牌有介紹整炸雞嘅做法,不過講得幾好幾詳細幾天花龍鳳都冇用,最緊要食落去真係畀到呢種滿足感先係最實際。點擊圖片放大 +3 ------------------------------------筆者:年齡係一位大叔,希望藉運動減慢變成大叔外形。跑步,係我今年養成習慣嘅運動,由初初3K跑到宜家10K,我嘗試喺唔同地方跑,過程中我都會見到、聽到、感受到唔同嘢,當遇到有趣嘅,我會拿起手機捕捉下。 ------------------------------------