大叔返工放工生活機械化，所以除咗跑步外都會喺食方面搵新沖擊，呢間食店古靈精怪就啱晒。 連menu 整到鬼鬼馬馬，仲見到星爺飲酒-------嘅劇照，令我會心微笑，夠創意我鍾意。 大叔叫咗個「門西淋牛豬vs蝦兵蟹將」，有龍蝦、軟殼蟹、雞翼、意粉、沙律菜等。睇個陣勢好似有睇頭，擺盤啱曬打卡。食物份量唔算大，胃口唔大都夠兩個人食，味道嚟講其實幾樣嘢都幾香口，我個人較喜歡軟殼蟹，外面脆脆地內軟就係呢種口感；雞翼脆而啖啖肉，反而龍蝦削啲冇乜肉，勝在焗得滋味。呢類食物一定要飲啤酒先得，大叔輕鬆一下充充電，令生活唔使咁鬱悶。點擊圖片放大 -----------------------------------筆者：年齡係一位大叔，希望藉運動減慢變成大叔外形。跑步，係我今年養成習慣嘅運動，由初初3K跑到宜家10K，我嘗試喺唔同地方跑，過程中我都會見到、聽到、感受到唔同嘢，當遇到有趣嘅，我會拿起手機捕捉下。 ------------------------------------
