點擊圖片放大 +5 今次無行鴨仔山而直接從寶琳行上鷓鴣山,望到山頭似近還遠時,見到呢條長梯真係腳仔軟,途中見到一位阿叔撐住行山杖逐級逐級上,我哋傾咗一陣,佢話呢個山雖然短過鳳凰山不過比較斜,個人覺得辛苦啲,佢講到興起仲講埋後生威水史,我係最佳嘅聆聽者所以佢講乜都冇乜所謂(不過唔好粗口),全程來回個半鐘,雖然越行越辛苦,不過當看到嘅視野越來越廣闊,就覺得值得嘅。寶琳〉英明苑〉鷓鴣山 折返 ------------------------------------筆者:年齡係一位大叔,希望藉運動減慢變成大叔外形。跑步,係我今年養成習慣嘅運動,由初初3K跑到宜家10K,我嘗試喺唔同地方跑,過程中我都會見到、聽到、感受到唔同嘢,當遇到有趣嘅,我會拿起手機捕捉下。 ------------------------------------