早前路經荃灣的這條街,見到食店外多人等候,引了大叔八卦之心,便上前看看是食什麼?原來台灣食物,還見到很吸引的手工芋泥吐司,二話不說攞籌等候入座。「芋見吐司」有芋頭加上紫薯做嘅餡料,一次食到兩層口味。 「肉鬆芋泥吐司」 肉鬆芋泥澎湃到溢出,芋泥香軟綿綿,添加的肉鬆與芋泥嘅甜很夾 。大叔個人喜歡「肉鬆芋泥吐司」,因為食到肉鬆混在芋泥的口感幾有趣。「乾拌麵」將醬料與麵撈在一起,唔係好辣但又惹味嘅麵食落唔錯,流心蛋係正。 |「仙草糖水」除仙草之外還有不同的料,芋圓、水晶、布丁,雖然有三隻色卻舌頭味蕾分不出是什麼味道打什麼味道,不過口感煙韌是不錯甜品。 店鋪的面積不太大,卻食物有滿滿台灣風味,不過這裏人多要等一等才能入座,下次要早啲先得~ ------------------------------------筆者:年齡係一位大叔,希望藉運動減慢變成大叔外形。跑步,係我今年養成習慣嘅運動,由初初3K跑到宜家10K,我嘗試喺唔同地方跑,過程中我都會見到、聽到、感受到唔同嘢,當遇到有趣嘅,我會拿起手機補捉下。 ------------------------------------