今日黎到尖沙咀厚福街試吓呢間OpenRice人氣熱門餐廳，聽聞係前五星級酒店主廚主理的🥰 勁多好評，搞到我都好期待😚 記得要預先book位啊，基本上Walk in都係無位既📲 餐廳內嘅裝潢都係十分普通，而且環境有啲細，如果係想要影靚相/食環境嘅話，可以唔使浪費時間嚟😂😂 咁menu方面就分為主餐牌、二人套餐同埋是日晚餐，咁為免有選擇困難症，所以今日就叫二人套餐啦😋👩🏼🤝👩🏻二人套餐：前菜>是日餐湯>小食/意大利粉>主菜>甜品>2杯飲品 先黎上咗個餐包先，估唔到會提供三款包：有芝士條、提子酥皮卷、南瓜麥包🥖好有驚喜，一咬落口，勁鬆脆😍😍餐湯都未上，就忍唔住食晒三個了😅 是日餐湯：新鮮粟米忌廉湯🫕對於嗰餐湯，我係有啲失望嘅😣其實一開始飲落口我仲以為係南瓜湯，點知問一問店員原來係新鮮粟米忌廉湯😅😅 但係真係有啲過甜，少少似飲糖水，所以飲咗兩啖就放棄了～ 前菜：法式焗田螺🐌不！得！了！好味到癲咗😨田螺就冇乜特別既，個主角其實係個薯蓉，勁香蒜蓉牛油味，而且佢仲有一粒粒薯仔嘅口感🤤簡直想一個人隊晒一碟~ 小食：黑松露芝士煙肉菠菜馬鈴薯丸🥔身為黑松露愛好者既我表示: 太好味了吧！！！😋有黑松露基本冇得輸，仲要佢啲菠菜係比芝士圍繞着，有拉絲嘅效果～最特別嘅係佢個馬鈴薯丸，竟然係芋圓嘅口感，煙煙韌韌的，口感不錯❤️ 主菜：烤燒8安士美國封門柳(5成熟)🥩😍牛味濃郁，又好香👍🏻肉質都好林，唔會死死實實咁～另外，配菜個煙肉焗番薯都好甜好好味，我一個人食晒😂😂點擊圖片放大 呢個係另外order嘅：烤燒大啡菇、焗釀鮑魚、北海道帶子、虎蝦意大利飯伴龍蝦汁🥘🤤一上菜已經覺得好吸睛👀估唔到佢個大啡菇係原隻上😆好juicy~意大利飯上面仲鋪咗層芝士，令成件事更加好食同香～ 甜品：香蕉朱古力班戟🍫雖則佢個味道好普通，但係誠意搭救❤️ D字令我好感動🥲所以，就算我飽到想嘔，都堅持食哂佢😆✨溫馨提示：建議預留多少少時間去食呢餐飯，如果好肚餓嘅話，要打個底先去食🤣🤣
