基於本人做Office工，所以無時無刻都上網睇吓有咩買/有咩食😂😂今次要介紹啖啖燕窩既紫薯雪燕😋哩間小店已經大大話話幫襯左大約3年，由之前嘅駱駝漆自取店到而家可以堂食嘅門市，一次又一次咁俾到無限驚喜我🥰🥰（因為佢啲嘢真係好味到極點）講下今次訂咗嘅濃濃紫薯牛奶雪燕先，一打開滿瀉咁滯，D料多到好似唔駛錢咁😂勁多紫薯粒，又勁多雪燕～ 重奶味，堅正！！ （個人覺得係我食過咁多款以來最正嘅一款♥︎），同埋雪燕係可以減肥排脂，令肌膚補水保濕，今次request左少甜一個人隊哂1樽都唔覺得有罪惡感😈另外，呢間舖最正嘅係可以送貨，啱晒我呢啲懶人安在家中都可以補身☺️（可以即日訂即日送貨，我試過夜晚八點幾訂，當晚都送到俾我），有時佢IG都有啲優惠做出嚟好抵食，九龍區仲免運費添👻其實我仲試過佢啲麻辣產品，下次再出post介紹俾大家🥰 最後，放張紫薯相毒下大家先😈
