今次搵咗間泰國菜同屋企人試下，到底元朗有咩美食推介？元朗泰國餐廳我揀咗「公車泰國餐廳」，離附近輕鐵站約5分鐘！今次我嗌咗泰式明爐烏頭魚、蒜爆鮮海蝦、串燒(豬＋雞)、蒜茸包、泰式椰青、紅豆冰。 泰式明爐烏頭魚 HKD 148一上枱，即時被香料味吸引，香料幾乎鋪滿成條魚，而且條魚仲要好大條！香料包括薑、香茅、肉碎、酸梅、蔥、芹菜、檸檬葉、菇等！烏頭魚幾乎都係無鱗，去鱗好乾淨；最中意就係每啖都夾住皮肉，感覺皮膚會愈黎愈好！幾乎魚肉都好滑，肉嫩鮮甜，而且少骨，真係可以啖啖肉！下次想試埋佢鹽燒烏頭。點擊圖片放大 蒜爆鮮海蝦 HKD 108海蝦隻隻都好大隻，今次一碟約8隻大蝦；每隻都啖啖肉又殼薄，而且爆炒香料好多元化，令蝦擁有既香味好豐富，成件事好完美。 串燒(豬＋雞) HKD 35串燒配既醬汁好濃郁又惹味，應該係有沙爹醬、花生醬、泰國乾香料混合而成；雞夠滑又香，豬熟度岩岩好，豬味幾香；配埋咁開胃既醬真係值得一試！ 蒜茸包 HKD 35一碟有4件，蒜茸味幾香，好快就上枱。 泰式椰青 ( 跟餐$25 )、紅豆冰 ( 跟餐$8 )紅豆冰豆量都唔少，椰青同紅豆冰都幾解渴，而家既天氣就最啱飲！ 泰式海蜇 HKD 68一碟鋪滿好多海蜇，同我哋食開海蜇唔同，平時食既係海蜇既腳，今次這個係海蜇既頭大大塊好似 JELL 咁好爽口，而且表面有啲泰式醬，超開胃！ 餐單平時有唔同優惠，今次係 follow 社交平台帖文有 jetso ！ 餐廳空間感大，枱與枱之間距離大，即使同時間好多食客都唔怕坐得迫；而且人手好夠又快動作，送餐或落單速度100分！ 餐廳餐牌勁厚，海鮮、飯、麵、小食、主菜、咖喱、特飲等！點擊圖片放大 +2 公車泰國餐廳元朗西菁街2號興旺樓－－－－－－－－－－－－－－－－－－－－－－－－－－－－－－－－免責聲明:是次產品/產品資料是自購的，本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或和尋求相關專業意見。如從而引起任何損失或法律糾紛，本人概不負責。希望大家喜歡我中肯的分享更可到FB及Instagram看我平日分享：FB Fan page( Szesi Blog)： https://www.facebook.com/szesiblog/Instagram：SzesiblogContact Me 歡迎任何合作和試用或出席活動Email: hoszesi@gmail.comFanpiece｜She.com｜Ubeauty｜Blogspot｜Weshare｜Girlab
