Mission Complete 何文田忠義街--迦密村街 Pass咗--好滾動，有種說不出既感覺記得第一次路試係考九龍塘培正道，Fail Jor。全因為衰緊張。到而家印象仲好深刻，考完試入返去等成績個刻係最最最緊張(雖然知道自己肥硬) 當拎到自己張黃子後面仲搭一張重考路試指引既時候，個心情係跌倒落谷底。雖然我知道第一次考車緊張係必然既，但都覺得因為緊張而Fail真係好吾抵。但有左第一次既經驗，今次考車可以輕鬆通過。 依件事話你知，心急緊張係幫吾到個考試，要放鬆心情先可以有好成績同時都想分享下今次學車既經歷!考完筆試之後收到路試日期，之後就開始搵C FU.驚搵到個吾好既C FU學車，所以最後簡左朋友學車既個個C FU. 點知個C FU原來已經無教私家車自動波，之後介紹左另一位C FU比我。我就好好彩遇到一個既C FU! 由開始好有耐性咁去教導，有時候自己揸得衰得濟，搞到C FU忟忟地不過依然係無鬧我，途中又認真講解，緊張既時候都會講d野令你放鬆。一開始學既時候好驚架，又怕撞到野，又怕碌到條線,又吾記得望盲點....但C FU慢慢去教導我，話我知要點做。C FU係隔離睇住無又怕，放膽去揸得喇。到左第一次考試既日期-考培正道! 夠鐘前，C FU帶我去3條考試路線行左一次，睇下路面情況，好做定心理準備。到左試場幫我簡左個靚位去做掉頭泊位。考試前仲千叮囑萬叮囑吾好緊張，好似平時咁得啦。記住要不停提點自己，要望鏡啊......真正既考試時刻來臨了，開頭掉頭泊位仲好順利，到出到去路面既時候就可以緊張啦。一開始覺得還可以，但到轉入培正道既時候，未能準確控制車速而被ar Sir踩停。Oh..個刻開始已經無曬mood嚕。之後轉上文福道斜路起步又HI博，唉..轉個圈返到考場。雖然C FU知道我肥左，都無話我，只係不停安慰我，話比我知之後要點做...七日之後，排左個快期，不過因為疫情嚴重，政府停左考車，所以要重新再排期.等下等下，就等到今年4月先有期>抽到考期後到考路試距離只有14日，14日內我學左5次就考試啦。因為有左上次經驗，今次就順利好多啦，雖然今次考左條未行過既禁區。考完返黎，拎埋成績，影返張合照，完成。諗起漫長既學車,考試撻Q再學車考試既畫面，直到考前一晚再學最後一次，臨考前去考試路線兜個圈睇下現場環境。我覺得自己可以合格全靠佢不停鼓勵我，一直叫我放膽去揸。在馬路上控制車輛既主導權係我，要我自己去判斷路面各種情況，只有係危險時先會伸出援手，好多謝佢一直以嚟對我嘅信任點擊圖片放大
